खिमराज चालिसे, चन्डिगढ (भारत) ।
पाल्पा जिल्ला रैनादेवी छहरा गाउँपालिका वडा नम्बर ३ निवासी विष्णु विकका छोरा केशव विक उर्फ रमेश र गुल्मी रिडीकी तुल्सी परियार चन्डिगढबाट फरार भएसँगै मूल प्रवाह अखिल भारत नेपाली एकता समाजले निज दुवैको खोजतलासमा तीव्रता दिएको छ ।
केशव विकले घरमा पत्नी र छोरा हुँदाहँुदै चन्डिगढमा तुल्सी परियारसँग विवाह गरेको आरोप लगाउँदै मीना विकले मूल प्रवाहमा दिएको निवेदनको आधारमा दुबै पक्षसँग समाजले प्रत्यक्ष छलफल चलाएको थियो ।
छलफलमा तिनै जना नेपाल जाने र आवश्यकताअनुसार गाउँपालिकामा छलफल चलाउने सहमतिअनुसार मूल प्रवाहले पाल्पा रैनादेवी छहरा गाउँपालिकालाई २६ जुन २०२३ का दिन सिफारिससम्म गरेको थियो । उनीहरूले ७ जुलाई २०२३ का दिन स्वदेश जाने सहमति गरेका थिए तर तुल्सी र केशव दुबै जना १ जुलाईकै दिन मूल प्रवाह एकता समाज, बुबा विष्णु विक र पत्नी मीना विकसँग समेत छल गरेर चन्डिगढबाट फरार भएपछि निजहरूको आग्रहमा मूल प्रवाहले खोजतलास सुरु गरेको हो ।
उनीहरू दुबै जना भेटिएमा नजिकको मूल प्रवाहको कार्यालय वा मानबहादुर केसी फोन– ९१–९८१४८०७४०२, खिमराज चालिसे फोन– ९१–८९६८५०३०५० र विष्णु विक फोन– ९१–७६९६८७११५७ मा खबर गर्न अनुरोध गरिएको छ ।
