काठमाडौं । राष्ट्रिय परीक्षा बोर्डले २०७९ को माध्यमिक शिक्षा परीक्षा (एसइई ) को नतिजा सार्वजनिक गरेको छ । यस वर्षको नजितामा सी प्लस अर्थात् २.०० देखि २.४० जिपिए ल्याउनेहरू अत्यधिक २१.०९ प्रतिशत रहेका छन् ।
२०८० असार २१ गते दिउँसो बसेको बोर्ड बैठकले नतिजा प्रकाशन गर्ने निर्णयको धारमा नतिजा सार्वजनिक गरिएको हो ।
राष्ट्रिय परीक्षा बोर्डका अनुसार परीक्षामा ए प्लस ग्रेड अर्थात् ३.६० देखि ४.०० जिपिए ल्याउनेको सङ्ख्या २२ हजार ४७५ रहेको छ ।
जुन कुल परीक्षार्थीको २.९ प्रतिशत हुन्छ ।
त्यस्तै, ए ग्रेड अर्थात् ३.२० देखि ३.६० जिपीए ल्याउनेको सङ्ख्या ५५ हजार ६९ (९११.३६) प्रतिशत रहेका छन् ।
एवम् प्रकारले बी प्लस ग्रेड अर्थात् २.८० देखि ३.२० जिपिए ल्याउनेको सङ्ख्या ७२ हजार ३६२ (१४.९२ प्रतिशत) जना रहेका छन् ।
सोही प्रकारले बी ग्रेड अर्थात् २.४० देखि २.८० जिपिए ल्याउनेको सङ्ख्या ८९ हजार ३३१ (१८.४२ प्रतिशत) जना रहेको छ ।
सबैभन्दा धेरै सी प्लस ग्रेड २.०० देखि २.४० जिपिए ल्याउने विद्यार्थी छन् । उनीहरूको सङ्ख्या एक लाख दुई हजार २९३ छ ।
एसइईमा सी ग्रेड अर्थात् १.६० देखि २.०० जिपिए ल्याउनेको सङ्ख्या ८८ हजार ४४७ (१८.२४ प्रतिशत) जना रहेका छन् ।
त्यस्तै, डी प्लस ग्रेड अर्थात् १.२० देखि १.६० जिपिए ल्याउने ३८ हजार ७७० (७.९९ प्रतिशत) जना र सबैभन्दा कम डी ग्रेड अर्थात
०.८० देखि १.२० जिपिए ल्याउनेको सङ्ख्या २ हजार २०० (०.४५ प्रतिशत) जना रहेको छ ।
ननग्रेडिङ अर्थात् ई ग्रेड ल्याउनेहरूको सङ्ख्या १३ हजार ९९२ (२.८९ प्रतिशत) रहेका छन् ।
यस वर्षको एसइईमा चार लाख ८४ हजार ९३९ जना परीक्षार्थी सहभागी भएका थिए ।
