जनकपुरधाम । धनुषामा ११ वर्षीया बालिकामाथि सामूहिक बलात्कार भएको छ । लक्ष्मीनियाँ गाउँपालिका ५ गजरियाकी ११ वर्षीया बालिकालाई दुई युवकले सामूहिक बलात्कार गरेका हुन् ।

पीडित बालिको परिवारका सदस्यका अनुसार बलात्कार गरेर फोटो भिडियो खिची कसैलाई भने सामाजिक सञ्जालमा भाइरल बनाइदिने चेतावनी ती युवकले दिएका थिए । पीडित परिवारले प्रहरीमा उजुरी दिएपछि घटना बाहिर आएको हो ।

उजुरीपछि प्रहरीले बलात्कारमा संलग्न रहेको आरोपमा ३२ वर्षका श्रीकिसुन दासलाई पक्राउ गरेको छ । अर्का आरोपित २२ वर्षीय अनिल ठाकुर भने फरार छन् ।

उनको खोजी भइरहेको र घटनाबारे थप अनुसन्धान भइरहेको प्रहरीले जनाएको छ ।