लोकेन्द्र पौडेल, दक्षिण भारत ।
मूल प्रवाह अखिल भारत नेपाल नेपाली एकता समाज दक्षिण भारत क्षेत्रीय समिति द्वारा सञ्चालित चेन्नैपूर्व नगर समितिले समितिका अध्यक्ष लछुमन चालिसेलाई स्वदेश बिदाई गरेको छ ।
बागलुङको जैमिनी नगरपालिका वडा नं ६ अर्जेवा पुर्खोैली घर भई हाल चितवनको भरतपुर महानगरपालिका वडा नं १२ मा स्थायी बसोबास गर्दै आउनु भएका चालिसे सन् १९९१ मा मूल प्रवाह अखिल भारत नेपाली एकता समाजको सदस्यता लिएर निरन्तर संगठनमा क्रिाशील हुनुहुन्छ ।
संगठनका विभिन्न जिम्मेवारी बहन गर्दै हाल उहाँ मूल प्रवाहको केन्द्रीय परिषद सदस्य, दक्षिण भारत क्षेत्रीय सदस्य तथा चेन्नै पुर्व नगर समितिको अध्यक्ष रहनु भएको थियो ।
चेन्नैपूर्व नगर समितिको आयोजनामा ४ जुनमा भएको बिदाई समारोहमा समाजका नेता तथा कार्यकर्ताहरुले उहाँलाई सम्मानसहित स्वदेश फिर्ती सुखद रहोस् भनी कामना गर्नुभयो ।
मूल प्रवाह चेन्नै दक्षिण नगर उपाध्यक्ष खगराज आचार्यको अध्यक्षता र चेन्नैपूर्व नगर कोषाध्यक्ष सूर्यप्रसाद भुसालको सञ्चालनमा अघि बढेको कार्यक्रममा समाजका केन्द्रीय सदस्य तथा दक्षिण भारत क्षेत्रीय अध्यक्ष चन्द्र बहादुर थापा, क्षेत्रीय कोषाध्यक्ष लोकेन्द्र पौडेल, जीवन शर्मा, नेत्रलाल शर्मा, काशिराम शर्मा, ओमाकान्त शर्माको विशेष उपस्थिती रहेको थियो ।
प्रमुख अतिथिको आशनबाट बोल्दै चन्द्रबहादुर थापाले जीवनमा मिलन बिछोड त हुन्छ नै तर पनि स्वदेशमा गएर संगठनको जिम्मामा रहेर काम गर्दै गयौँ भने हाम्रो मिलन अवश्य हुन्छ भन्दै दोसल्ला ओढाएर सम्मान गर्नुभयो ।
यस्तै, लोकेन्द्र पौडेल, जीवन शर्मा, ओमाकान्त शर्मा, नेत्रलाल शर्मा ,प्रथमबहादुर क्षेत्री, ओमबहादुर विक, टिका थापालगायत नेताहरुले शुभकामना दिनुभएको थियो भने स्वागत काशिराम शर्माले गर्नु भएको थियो ।
कार्यक्रममा मन्तव्य राख्दै चालिसेले आउँदा दिनहरुमा यस विश्व विद्यालयबाट प्राप्त गरेको शिक्षालाई राष्ट्र, राष्ट्रियता र जनतन्त्रको पक्षमा लडिरहने प्रतिज्ञा व्यक्त गर्नुभएको थियो ।
