जयपुर (भारत)। मूल प्रवाह अखिल भारत नेपाली एकता समाज जयपुर नगर समितिको आयोजनामा नागरिकता विद्येयकको विरुद्धमा सभा सम्पन्न भएको छ ।

४ जुन २०२३ गतेका दिन मूल प्रवाहका केन्द्रीय सदस्य बेलबहादुर रजालीको प्रमुख आतिथ्यमा सो सभा सम्पन्न भएको हो ।

सो अवसरमा मन्तव्य व्यक्त गर्दै उहाँले भारतको नयाँ संसद् भवनमा राखिएको नक्सामा नेपालको लुम्बिनी र कपिलवस्तुलाई समावेश गरेकोमा आपत्ति प्रकट गर्नुभयो ।

विरोधसभामा क्षेत्रीय सदस्य नारायण ज्ञवाली, रिम राना, महिला विभागकी सदस्य हुमा रजाली, कल्पना थापा, रुद्रबहादुर थापा र ललिता रानाले पनि मन्तव्य राख्नुभएको थियो ।

कार्यक्रमको अध्यक्षता सोमबहादुर थापाले, सञ्चालन बाबुराम थापाले र स्वागत बिना थापाले गर्नुभएको थियो ।