लोकेन्द्र पौडेल, दक्षिण भारत ।
राष्ट्रपतिद्वारा प्रमाणीकरण भएको नागरिकता विधेयक विरुद्ध मूल प्रवाह अखिल भारत नेपाली एकता समाजले विरोध प्रदर्शन गरेको छ ।
आज एकता समाज दक्षिण भारत क्षेत्रीय समिति अन्तर्गत चेन्नै पश्चिम नगर समितिको आयोजनामा विरोध सभा सम्पन्न भएको हो ।
मूल प्रवाह चेन्नै पश्चिम नगर अध्यक्ष बुद्विराम पौडेलको अध्यक्षयतामा सम्पन्न उक्त विरोध सभालाई मूल प्रवाहका केन्द्रीय सदस्य केशमान नेपालीले शासकहरुको गलत नितिका कारण भोलीका दिनमा नेपालीहरु आफ्नै देशमा अल्पमतमा पर्ने भन्दै नागरिकता विधेयक तुरुन्त फिर्ता गर्नु पर्ने बताउनुभयो ।
केन्द्रीय परिषद तथा दक्षिण भारत क्षेत्रीय सदस्य काशीराम शर्मा, दक्षिण भारत क्षेत्रीय कोषाध्यक्ष लोकेन्द्र पौडेल, नेत्रप्रशाद शर्मा,राजेश विक, प्रकाश नेपाली, खुमन प्रशाद भण्डारी, नर बहादुर थापा र एकदेव शर्माले पनि सम्बोधन गर्नुभएको थियोा । मूल प्रवाह दक्षिण भारत क्षेत्रीय सदस्य तथा चेन्नै पश्चिम नगर सचिव किसोर शर्माको सञ्चालनबाट अघि बढेको कार्यक्रममा पश्चिम नगर सदस्य शसिराम थापाले स्वागत गर्नु भएको थियो ।
