नवलपरासी । अखिल नेपाल महिला संघ नवलपरासीको दोस्रो जिल्ला भेला सम्पन्न भएको छ । शनिबार (जेठ २० गते) सुनवलमा सम्पन्न भेलाले सम्झना सुवेदीको अध्यक्षतामा ९ पूर्ण र ४ वैकल्पिक गरी १३ सदस्यीय जिल्ला समिति चयन गरेको छ।
जसमा उपाध्यक्ष विमला राना, सचिव मनरूपा राना, सहसचिव यमुना थापा र कोषाध्यक्षमा धनमाया थापा चयन हुनुभएको छ । सदस्यहरूमा सीता अधिकारी, शोभा लामिछाने, तारा गौतम र वेलकुमारी थापा एवम् वैकल्पिक सदस्यहरुमा देउमती थापा, रिना जिसी, हेमा रोका र लक्ष्म राना चयन हुनुभएको छ।
भेलाले अनिता खरेल, रेवती घिमिरे, कुसुम विक, तिल कुमारी पौडेल र गिता पोखरेल सहितको ५ सदस्यीय सल्लाहकार समिति समेत चयन गरेको छ।
प्रमुख अतिथि अनेमसंघ केन्द्रीय अध्यक्ष मिना पुनले पानसमा बत्ती बालेर भेला उद्घाटन गर्दै महिला आन्दोलन, सम्पत्तिमा समान अधिकार, समसामयिक राजनीतिक लगायतका विषयमा प्रशिक्षण दिनुभएको थियो।
भेलालाई राष्ट्रिय जनमोर्चा लुम्बिनी प्रदेश सदस्य तिलक प्रसाद सुवेदी, राजमो जिल्ला सल्लाहकार रेम रानाले प्रशिक्षण सहित भेला सफलताको शुभकामना व्यक्त गर्नुभएको थियो।
साथै, राष्ट्रिय जनमोर्चा जिल्ला अध्यक्ष किसनबहादुर अधिकारी, नेकपा (मसाल) जिल्ला प्रवक्ता धनपति सापकोटा, जातीय समता समाज जिल्ला संयोजक नरेन्द्र विक र अखिल (छैठौं) का जिल्ला अध्यक्ष निशा गौतमले समेत भेला सफलताको शुभकामना व्यक्त गर्नुभएको थियो।
अनेमसंघ जिल्ला अध्यक्ष सम्झना सुवेदीको अध्यक्षतामा भएको भेलाको सञ्चालन मनरूपा राना र स्वागत अनिता खरेलले गर्नुभएको थियो ।
