रुकुम । गणतन्त्र दिवसको अवसरमा प्रगतिशील लेखक संघ नेपाल रुकुम पश्चिमको आयोजनामा रचना वाचन कार्यक्रम सम्पन्न भएको छ ।

प्रलेस नेपाल रुकुमका अध्यक्ष मनलाल ओलीको अध्यक्षता रहेको कार्यक्रममा प्रमुख अतिथिमा प्रलेस नेपालका केन्द्रीय सचिव गिरीप्रसाद बुढा हुनुहुन्थ्यो ।

कार्यक्रममा स्रष्टाहरू ओमबहादुर खत्री, नारायण प्रसाद शर्मा, एक्कबहादुर केसी, वीरबहादुर केसी, सीता बुढा मगर, सत्यनारायण श्रेष्ठ र हिरा बुढा मगरले गणतन्त्र लगायतका समसामयिक विषयहरूमा विविध रचनाहरू वाचन गर्नु भएको थियो ।

वाचित रचनाहरूको समीक्षा साहित्यकार हरिप्रसाद खनालले गर्नु भएको थियो भने सञ्चालन प्रलेस नेपाल रुकुम पश्चिमका सचिव खेमराज खड्काले गर्नुभएको थियो ।