खिमराज चालिसे, चंडिगढ ।
मूल प्रवाह अखिल भारत नेपाली एकता समाज चंडिगढ नगर उपाध्यक्ष बालाराम न्यौपाने र महिला नगर सदस्य सोभादेवि न्यौपानेलाई प्रवासबाट बिदाइ गरिएको छ ।
भारतमा सरकारी रोजगारीबाट सेवानिवृत्त भएपछि स्वदेश जाने स्वैच्छिक चाहना अनुसार मूल प्रवाह चंडिगढले दुवै जनालाई एक समारोहमा सम्मान सहित बिदाइ गरेको हो।
सन् १९९० देखि मूल प्रवाहको सदस्यता लिएर विभिन्न जिम्मेवारी निभाउँदै आउनु भएका न्यौपानेले स्वदेशमा राष्ट्रिय जनमोर्चासँग आवद्ध भई काम गर्ने प्रतिवद्धता समेत गर्नु भएको छ।
केन्द्रीय सदस्यहरु दिनेश खड्का, तिलक पौड्याल, खिमराज चालिसे र नगर अध्यक्ष मानबहादुर केसीले संयुक्त रुपमा नगर समितिको तर्फबाट स्मृतीचिह्न, प्रसंशा पत्र प्रदान गरि सम्मान गर्नुभयो । सो समारोहमा उपस्थित सबैले उहाँहरुले फूल माला र अविर लगाएर सम्मान गर्नु भएको थियो।
मूल प्रवाह केन्द्रीय सदस्य तिलक पौड्याल, केन्द्रीय सदस्य एव नेपाली समाचार संयोजक खिमराज चालिसे, विद्यार्थी केन्द्रीय सदस्य विष्णु बेल्बासे, जनजाति विभागका प्रेम गुरुङ, समता विभागका दुर्गा विक, रक्तिम विभागका अर्जुन विक, लिला विक, महिला नगर संयोजक माया आचार्य, क्षेत्रीय सदस्य सिमा खडका, बिष्णु अर्याल र मन्जु सुनार, विद्यार्थी नगर सचिव .राम पन्थी, बाल विभागका सन्दिप विक, छोरा नारायण न्यौपाने, महिला नगर सदस्य कुमारी थापा, मूल प्रवाह नगरका थमन थापा, थानेश्वर पान्डे लगाएतले शुभकामना दिनुभएको थियो ।
नगर अध्यक्ष मानबहादुर केसीको अध्यक्षता तथा नगर सचिव तेजबहादुर रोकाको सञ्चालनमा बिदाइ कार्यक्रम सम्पन्न भएको हो ।
बुवा चुडामणि उपाध्याय र आमा कृष्णा देवी उपाध्यायको कोखबाट २०२१ साल माघ १ गते प्युठान जिल्लाको गौमुखी गाउँपालिका वडा नम्बर ४ मा जन्मिनु भएका बालाराम न्यौपाने हाल बाँके जिल्लाको कोहलपुर १२ स्थायी निवासी हुनुहुन्छ।
