रोसन दानी, काठमाडौँ ।
काठमाडौंको बूढानीलकण्ठ–१३ मा बच्पन स्कुल खुलेको छ । करुणा अस्पताल नजिकै खुलेको सो विद्यालयको शनिबार उद्घाटन गरिएको हो ।
बागमती प्रदेश सभा सदस्य जयराम थापाले एक कार्यक्रमबीच विद्यालयको उद्घाटन गर्नुभयो । कार्यक्रमलाई सम्बोधन गर्दै सांसद थापाले समाज विकास गुणस्तरीय शिक्षाबाट मात्रै हुने उल्लेख गर्दै बूढानीलकण्ठमा अन्तर्राष्ट्रियस्तरको पूर्वप्राथमिक विद्यालय खुलेको बताउनुभयो ।
विद्यालयका निर्देशक विष्णुचन्द्र अधिकारीले २१ औँ शताब्दीमा प्रतिस्पर्दा गर्न सक्ने जनशक्ति उत्पादनतर्फ बच्चपन स्कूलले ध्यान दिने प्रतिवद्धता जनाउनुभयो ।
कार्यक्रममा बूढानीलकण्ठ नगरपालिका १३ का वडाअध्यक्ष टीकानारायण श्रेष्ठले यसखालका प्ले स्कुलहरूले माटो सुहाउँदो शिक्षा प्रदान गर्नुपर्नेमा जोड दिनुभयो । विद्यालयप्रति बूनपा १० का वडाअध्यक्ष नवराज भट्टराई र ११ का वडाअध्यक्ष राजु अधिकारीले शुभकामना दिनु भएको थियो ।
कार्यक्रममा बच्पन प्ले स्कूल दिल्लीका शिक्षक दीपेन्द्रचन्द्र रोयले शिक्षक शिक्षिका हरुलाई तीन दिनसम्म तालिम प्रदान गर्ने विद्यालयका निर्देशक विष्णुचन्द्र अधिकारीले जानकारी दिनुभयो ।
हाल १४ जना शिक्षक कर्मचारी र ६० जना विद्यार्थी रहेको सो विद्यालयको प्रिन्सिपल राम गौतम रहनुभएको छ ।
