दार्चुला । दार्चुलामा हिउँपहिरोमा परेर पाँच जना बेपत्ता भएका छन् । व्यास गाउँपालिका–१ छाङरुस्थित बोलिनमा हिम पहिरो परेर ५ जना बेपत्ता भएका हुन् ।
यार्सा संकलन गर्न नाम्पा हिमालको फेदतर्फ गएका मानिस टेण्ट भएको स्थानमा फर्किनेक्रममा हिमपहिरोमा परेको थिए।
यार्सागुम्बा संकलन गर्न गएका १२ जनामध्ये ५ जना मानिस हिम पहिरोमा परेका हुन् ।
४ पुरुष र एक महिला बेपत्ता भएका र अन्य ७ जना भने सकुशल रहेको उद्दारका लागि पुगेको टोलीले खबर गरेको प्रहरीले जनाएको छ।
नेपाल प्रहरीका सह प्रवक्ता डीएसपी शैलेन्द्र थापाका अनुसार ६ पुरुष र १ महिला सहित ७ जना सकुशल अबस्थामा सशस्त्र प्रहरीको सम्पर्कमा रहेका छन् । ७ सहित अन्य १३ जना समेत सशस्त्र प्रहरीको टोलिसँगै फर्केको छ ।
मौसम खराब भएका कारण बेपत्ताको खोजी हुन नसकेको प्रहरीले जनाएको छ । लगातार पानी र हिउँ परेका कारण उद्दारमा कठिनाइ भएको हो ।
