काठमाडौँ, कार्तिक १६ । प्रधानन्यायाधीश तथा सर्वोच्च अदालतका न्यायाधीशहरूका नाम जोडेर विभिन्न सञ्चारमाध्यम र सामाजिक सञ्जालमा प्रकाशित तथा प्रसारित समाचारप्रति सर्वोच्च अदालतले गम्भीर ध्यानाकर्षण भएको जनाएको छ।
सर्वोच्च अदालतको पूर्ण बैठकले संविधान र कानुनको सर्वोच्चता कायम राख्न, समाचारको निष्पक्ष छानबिन गरी सत्यतथ्य सार्वजनिक गर्न तथा न्यायपालिकाको गरिमा र जनआस्था कायम राख्न सम्बन्धित निकायलाई आग्रह गरेको छ ।
अदालतले न्यायाधीशहरूको अभिव्यक्तिलाई पूर्वाग्रहरहित र स्वतन्त्र ढंगले विश्लेषण गर्न तथा अपुष्ट समाचारबाट आम नागरिक र सेवाग्राहीमा नकारात्मक असर पर्न नदिन सञ्चारमाध्यमलाई आग्रह गरेको छ ।
साथै, न्यायिक कामकारबाहीमा अवरोध पुग्ने गरी समाचार प्रकाशन तथा प्रसारण नगर्न र न्यायपालिकाको मर्यादा कायम राख्न सबै पक्षलाई अनुरोध गरेको छ ।
सर्वोच्च अदालतका प्रवक्ता तथा सह–रजिस्ट्रार डा. अशोककुमार क्षेत्रीद्वारा जारी प्रेस विज्ञप्तिमा मिति २०८३ साल कात्तिक १६ गते बसेको पूर्ण बैठकका निर्णय सार्वजनिक गरिएको हो ।
प्रस्तुत छ, बैठकका निर्णयहरू :
