नवलपुर । एमसीसी र सीमा अतिक्रमण विरुद्ध नेकपा (मसाल) सहितका नौ राजनीतिक दल तथा संगठनहरुले नवलपुरमा पनि विरोध सभा गरेका छन् । नौ दलले गरेको संघर्षको घोषणा अनुसार शनिबार सदरमुकाम कावासोति फलफूल चोकमा विरोध सभा गरिएको हो ।
विरोध सभालाई नेपाल कम्युनिष्ट पार्टी (मसाल)का जिल्ला प्रवक्ता लेखनाथ शर्मा, नेपाल कम्युनिष्ट पाटी (क्रान्तिकारी माओवादी) का जिल्ला सेक्रेटरी उत्तम थापा, नेपाल कम्युनिष्ट पाटी (माले)का जिल्ला अध्यक्ष लोक प्रसाद काफ्ले, राष्टिय जनमोर्चाका जिल्ला सचिव गिरबहादुर महतरा, देशभक्त जनगणतान्त्रिक मोर्चा नेपालका जिल्ला अध्यक्ष एवं केन्द्रीय सदस्य पिताम्बर तिवारी, राष्ट्रिय जागरण परिषद नेपालका जुद्धप्रसाद सिग्देललगायतले सम्बोधन गर्नुभएको थियो ।
वक्ताहरुले भारतद्वारा अतिक्रमण भूमि फिर्ता गर्नु पर्ने र राष्ट्रघाति एमसीसी सम्झौताका खारेज गर्ने माग राख्नु भएको थियो ।
