बुटवल । अखिल नेपाल ट्रेड युनियनका उपाध्यक्ष लोकराज भुसालले रुपन्देहीेको एक विद्यालयका तीन जना विद्यार्थीलाई वार्षिक छात्रवृति प्रदान गर्नुभएको छ ।
रुपन्देहीको सैनामैना गाउँपालिका १ स्थित सैनामैना माविका कक्षा १ का वसन्त क्षेत्री,कक्षा ४ कि श्रृष्टि पौडेल र कक्षा ९ कि दुर्गा खनाललाई आगामि शैक्षिक सत्र २०७७ को विद्यालयमा लाग्ने सम्पुर्ण शुल्क र केही शैक्षिक सामाग्रीहरु छात्रवृत्ति स्वरुप प्रदान गर्नुभएको हो ।
२०७५ साल चैत्र १९ गते स्व. बुबा आमाको सम्झनामा विद्यालयमा स्थापना गरिएको चुरामणि–टुमकला भुसाल स्मृति अक्षयकोषबाट कोषका संरक्षक लोकराज भुसाल तथा कमला बन्जाडेले सो सहयोग प्रदान गर्नुभएको भुसालले जानकारी दिनुभएको छ ।
विद्यालयको ४६ औँ वार्षिकउत्सव समारोहमा छात्रवृति हस्तान्तरण गरिएको हो । कार्यक्रम सैनामैना नगरपालिकाका प्रमुख चित्र बहादुर कार्कीको प्रमुख आतिथ्यतामा शुक्रबार सम्पन्न भएको हो ।
