नेपालगञ्ज । भारतद्वारा गरिएको सीमा अतिक्रमण र अमिरिकी एमसीसी सम्झौताका विरुद्ध शनिवार बाँकेको नेपालगञ्जमा पनि विरोध सभाको आयोजना गरिएको छ । स्थानीय पुष्पलाल चोकमा नौ राजनीतिक दल तथा संगठनहरुको आयोजनामा विरोध सभा भएको राजमो जिल्ला उपाध्यक्ष जगदिश ढकालले जानकारी दिनुभएको छ ।
विरोध सभालाई सम्बोधन गर्दै नेकपा (मसाल) निकट अखिल नेपाल युवक संघका महासचिव कृष्णराज पाण्डेले सीमा अतिक्रमण र एमसीिसी सम्झौताको तिव्र शब्दमा विरोध गर्दै राष्ट्रियता जोगाउने आन्दोलनमा लाग्न आम जनसमुदायलाई आह्वान गर्नुभयो ।
कार्यक्रममा नेकपा (क्रान्तिकारी माओवादी) का ५नं. प्रदेश सदस्य विराट शाही, देशभक्त जनगणतान्त्रिक मोर्चाका केन्द्रीय सदस्य तथा बाँके जिल्ला अध्यक्ष सुरेश ओली, राष्ट्रिय जनमोर्चा बाँकेका अध्यक्ष भिमप्रसाद देवकोटा लगाएतका वक्ताहरुले सम्बोधन गर्नुभएको थियो ।
कार्यक्रमको सञ्चालन जातीय समता समाजका केन्द्रीय सदस्य तथा राजमो बाँकेका सहसचिव मनबहादुर सुनारले गर्नुभएको थियो।
