डडेल्धुरा । नेकपा (मसाल) सहित नौ राजनीतिक दल तथा संगठनले शनिबार देशैभर गरेको विरोध सभा अन्तर्गत डडेल्धुरामा पनि विरोधको कार्यक्रम आयोजना गरिएको छ ।

एमसीसी सम्झौता खारेजी गर ! लिपुलेक, कालापानी, लिम्पियाधुरा लगायतका क्षेत्रमा भारतबाट अतिक्रममित भूमि फिर्ता गर ! भन्ने नारासहित स्थानीय भिमदत्त चोकमा विरोध सभा आयोजना गरिएको हो ।

कार्यक्रमलाई राष्ट्रिय जनमोर्चाका केन्द्रीय सदस्य लालबहादुर जाग्री र नेकपा (क्रान्तिकारी माओवादीका केन्द्रीय सदस्य लालकिरणले सम्बोधन गर्नुभयो ।

राष्ट्रिय जनमोर्चाका जिल्ला अध्यक्ष पदम ओलीले सञ्चालन गर्नुभएको सभामा अखिल (कान्तिकारीका) का केन्द्रीय सदस्य टेकेन्द्र साउद र अखिल (छैठौं) का जिल्ला अध्यक्ष टंक अवस्थीले पनि सम्बोधन गर्नुभएको थियो ।