दिनेश रैदास, दाङ ।
संविधान सभाका सहिद कमलप्रसाद अधिकारीको स्मरणमा दाङमा ‘कमल स्मृति भवन’ बन्ने भएको छ ।
राष्ट्रिय जनमोर्चाका कार्यकारी अध्यक्ष एवम् संविधानसभा सदस्य रश्मीराज नेपालीले आइतबार भवनको शिलान्यास गर्नुभएको छ ।
लमही नगरपालिका वार्ड नं ५ रातोडाँडामा बन्न लागेको भवनको शिलान्यास गर्दै कार्यकारी अध्यक्ष नेपालीले कमल अधिकारी सांस्कृतिक र राजनैतिक क्षेत्रका एक महान् सहिद भएको बताउनु भयो ।
लुम्बिनी प्रदेश सरकारको चालू आर्थिक वर्ष ०७९/८० मा रु. १५ लाखको लागतमा निर्माण हुने कमल स्मृति भवन निर्माण स्थलको जग्गा लमही नगर विकासले उपलब्ध गराएको हो । कमल अधिकारी स्मृति भवन १ कठ्ठा जग्गामा बन्ने छ ।
सहिद अधिकारी २०६४ सालको संविधान सभा निर्वाचनमा राष्ट्रिय जनमोर्चाको तर्फबाट बाँके २ नं. क्षेत्रबाट उम्मेदवार हुनुहुन्थ्यो । उहाँलाई २०६४ चैत ५ गते राति ११ बजे सिकन्दर खाँ, भुल्लन केवट, होलि केवट र अशोक बर्मा सम्मिलित सशस्त्र समूहले गोली हानेको थियो । सहिद अधिकारीले भेरी अस्पतालमा तत्कालीन प्रमुख जिल्ला अधिकारी नरेन्द्रराज शर्मालाई सो जानकारी दिनुभएको थियोे ।
चैत ६ गते बिहान सोही अस्पतालमा उपचारको क्रममा सहिद अधिकारीको निधन भएको थियो ।
राष्ट्रिय जनमोर्चाले सोही बखत उहाँलाई सहिद घोषणा गरेको थियो । यता, नेपाल सरकारले भने हालसम्म उहाँलाई सहिद घोषणा गरेको छैन ।
हत्याराहरू माओवादी समर्थक थिए । सहिद अधिकारीको किटानी जाहेरीको आधारमा निजहरूलाई जेलचलान गरिए पनि ती हत्याराहरूलाई माओवादीले आस्थाका बन्दी भन्दै जेलमुक्त गराएका थियो । जेलमुक्त हुँदा माओवादीले निजहरूलाई फूलमाला र अबिरजात्रासहित स्वागत गरेका थिए ।
लमही नगर विकासले उपलब्ध गराएको छ।
लुम्बिनी प्रदेशको राजधानी देउखुरीको लमही नगरपालिका वार्ड नं ५ रातोडाँडाँमा बन्ने सहिद कमल अधिकारी स्मृती भवन १ कठ्ठा जग्गामा बन्न लागेको छ।
संघीयता, जातीय राज्य, एक मधेश एक प्रदेशलगायतका राष्ट्रघाती अवधारणाको विरोध गर्दा त्यसका पक्षपातीले उहाँको हत्या गरेका हुन् ।
