काठमाडौँ । जापान नेपाली एकता समाजले पत्रकारितासम्बन्धी प्रशिक्षणसँगै नयाँ वर्ष २०८० को शुभकामना आदानप्रदान कार्यक्रम सम्पन्न गरेको छ ।
अन्तर्राष्ट्रिय नेपाली एकता समाजका उपाध्यक्ष हेमलाल गौतमको प्रमुख आतिथ्यमा २०८० वैशाख १ गते शुक्रबार भर्चुअल माध्यमबाट सो कार्यक्रम सम्पन्न भएको हो ।
कार्यक्रममा प्रगतिशील पत्रकार सङ्घ, नेपालका महासचिव प्रकाश थापामगरले पत्रकारिताको इतिहास र पत्रकारिताको परिचयसित सम्बन्धित रहेर प्रशिक्षण दिनुभएको थियो ।
समाजका अध्यक्ष शालिकराम सापकोटाको अध्यक्षतामा सम्पन्न उक्त कार्यक्रममा सर्वप्रथम कार्यक्रमको बारेमा महासचिव तेजेन्द्र क्षेत्रीले परिचयात्मक मन्तव्य राख्नुभएको थियो ।
कार्यक्रममा प्रमुख अतिथि हेमलाल गौतमका साथै अखिल नेपाल प्रगतिशील लेखक सङ्घ (अन्पा) का अध्यक्ष समीर सिंह, जापान नेपाली एकता समाजका उपाध्यक्ष यमलाल सापकोटा, युगदर्शन मिडियाका जापान रिपोर्टर रिष्मेली मेघराज, रक्तिम सांस्कृतिक अभियान जापानका अध्यक्ष लीला परियार, समाजको कान्साई क्षेत्रीय समितिका अध्यक्ष गोपालकृष्ण सापकोटा र कान्तो क्षेत्रीय समितिका अध्यक्ष नारायण कँडेलले मन्तव्य राख्नुभएको थियो ।
समाजका उपाध्यक्ष दण्ड केसीको स्वागत मन्तव्य तथा केन्द्रीय सदस्यहरू नवीन बस्याल र निश्चल क्षेत्रीको सञ्चालनमा अघि बढेको सो कार्यक्रममा अन्तर्राष्ट्रिय नेपाली एकता समाजका उपाध्यक्ष प्रेम पौडेल, जापान नेपाली एकता समाजका केन्द्रीय सल्लाहकार भीम केसी, नेताहरू धनबहादुर विकलगायतको आतिथ्य रहेको थियो ।
कार्यक्रममा रक्तिम जापानका साथीहरूले स्वागत गीत प्रस्तुत गर्नुभएको थियो ।
