काठमाडौँ । काठमाडौँ जिल्लाको बुढानीलकण्ठ नगरपालिकाभित्रका संस्थागत विद्यालयले स्टेसनरीलगायतका सामानको विक्री–वितरण गर्न नपाउने भएका छन् ।

पालिकाको शिक्षा, युवा तथा खेलकुद महाशाखाका अधिकृत इन्द्रप्रसाद दाहालले २०७९ चैत २० गते सोमबार परिपत्र जारी गर्दैै यस्तो जानकारी दिएका हुन् ।

परिपत्रमा पालिकाले “विद्यालय मापदण्ड तथा सञ्चालन निर्देशिका–२०६९ (संशोधनसहित)” को प्रसङ्ग उठाएर संस्थागत विद्यालय आफैले पाठ्यपुस्तक तथा स्टेसनरी विक्री गर्न नपाउने, विद्यालयबाट निर्धारित डे«सकोडको नमूना विद्यार्थीलाई उपलब्ध गराउनुपर्ने तथा यी स्टेसनरी र ड्रेस विद्यालयले तोकिएको स्थानबाट खरिद गर्न बाध्य पार्न नहुने पनि उल्लेख छ ।

त्यस्तै, वार्षिक नतिजा प्रकाशन गर्ने दिन पाठ्यपुस्तक र स्टेसनरीको लिस्ट अभिभावक र पालिकामा बुझाउन पनि परिपत्रमा भनिएको छ ।