रवि पौडेल, पाण्डिचेरी (भारत) ।
मूल प्रवाह अखिल भारत नेपाली एकता समाज पाण्डेचरी नगर समितिको रोहबरमा नेपाली महिलाको दाहसंस्कार गरिएको छ ।
भरतपुर नगरपालिका–१८ मिलनचोक ससिनगरकी ५५ वर्षीया सुमाकुमारी जिसीको भारत तमिलनाडुनजिक पाण्डिचेरीमा उपचारको क्रममा निधन भएको थियो ।
जिसी पाण्डिचेरीको कालापेटस्थित पिम्स मेडिकल कलेजमा उपचार गराई रहनुभएको थियो । उपचारकै क्रममा २८ मार्चका दिन निधन भएको थियो ।
जिसी लामो समयदेखि पाण्डिचेरीस्थित हरिउर सुगर मिलमा काम गरी स्वदेश फर्कनुभएको थियो । बिमारी परेका कारण पुन: पाण्डिचेरीमा आएर उपचार गराई रहनुभएको थियो ।
मृतकको पार्थिक शरीरमा मूल प्रवाह क्षेत्रीय सदस्य तथा पाण्डिचेरी नगर अध्यक्ष डिल्लिप्रसाद शर्मा, नगर सचिव गोविन्द शर्मा, सदस्य भद्रबहादुर जिसी, रवि पौडेल, राजेन्द्र जिसी, खड्कबहादुर कुँवर, महिलानेतृ भगवती कुँवर, विष्णु शर्मा, जमुना शर्मा, नगर समितिका विनोद गायक, गमबहादुर विकलगायत कार्यकर्ता र प्रवासी सङ्घ, भारतका पूर्व महासचिव टीका पौडेल र सदस्य शीतल परियार आफन्तजन र स्थानीयबासीले माल्यार्पण तथा मौनधारण गरिएको थियो । कार्यक्रमको सञ्चालन नगर सचिव गोविन्द शर्माले गर्नुभएको थियो ।
दासंस्कार कार्यक्रममा स्थानीय तामिलभाषीको पनि उपस्थिति रहेको थियो । उहाँ फोक्सोसम्बन्धी रोगबाट ग्रस्त हुनुहुन्थ्यो । उहाँका एक छोरा कृष्ण जिसी र एक छोरी आशा जिसी हुनुहुन्छ ।
