विराटनगर । पूर्वाञ्चल विश्वविद्यालयले ६ हजार ५१३ जना विद्यार्थीलाई दीक्षित गरेको छ ।

एघारौं दीक्षान्त समारोहका अवसरमा विश्वविद्यालयका कूलपति प्रधानमन्त्री पुष्पकमल दाहाल प्रचण्डले विद्यार्थीहरुलाई दीक्षित गर्नुभएको हो ।

विश्वविद्यालयको केन्द्रीय कार्यालय रहेको मोरङको गोठगाँउमा आयोजित समारोहमा कला संकायतर्फका स्नातक र स्नातकोत्तर गर्ने १३५ जना, कानून संकायतर्फका ३०६ जना, शिक्षा शास्त्र तर्फका ५०२ जना, व्यवस्थापन संकाय तर्फका १ हजार ८६२, चिकित्सा शास्त्रतर्फ २ हजार ३२३ र विज्ञान तथा प्रविधि संकायतर्फ १ हजार ३८४ जना विद्यार्थी दीक्षित भएका छन्।

साथै, दीक्षित हुने विद्यार्थीमा व्यवस्थापन संकायतर्फ एमफिल गर्ने ६ जना छन्।