खिमराज चालिसे, चंडिगढ।
दाङको घोराही उपमहानगरपालिका–१७ की ५१ वर्षीया सुनिता विक भारतको हरियाणा राज्यको पंचकुला सेक्टर ६ बाट सम्पर्कविहीन भएकी छन् ।
गत मार्च ३ देखि सम्पर्कविहीन भएकी सुनिताको खोजतलासका लागि परिवारले मूल प्रवाह अखिल भारत नेपाली एकता समाजसँग आग्रह गरेको छ । परिवारले दिएको जानकारीका आधारमा मूल प्रवाह चंडिगढले उनको खोजतलास सुरु गरेको छ ।
घोराही–१७ निवासी कमानसिंह विककी श्रीमती सुनिताले हिमाञ्चल राज्यको सिमलाबाट एटीएमबाट पैसा निकालेको म्यासेज कमानसिंहको मोबाइलमा आएको छ । सोही आधारमा उनी सिमलामा भएको आशंका गरिएको छ ।
सुनिता कपिलवस्तु जिल्लाको शिवराज नगरपालिका–८ का एक व्यक्तिसँग फरार भएको उनका श्रीमान कमानसिंहको आरोप छ ।
गहुँगोरो वर्ण, ५ फुट उचाई, आँखा टेडा भएकीले सुनितालाई देखे वा भेटेमा नजिकको मूल प्रवाहको कार्यालय वा कमानसिंह +९१९७७९१६८९८२, प्रेम आचार्य +९१९७७९००८७०२ मा खबर गरिदिन मूल प्रवाह चंडिगढले अनुरोध गरेको छ ।
