काठमाडौं । त्रिभुवन विश्वविद्यालय केन्द्रीय क्याम्पसमा अखिल (छैठौं) का केन्द्रीय सचिव पुरन पोख्रेल निर्वाचित हुनुभएको छ ।
आइतबार सम्पन्न स्वतन्त्र विद्यार्थी युनियन (स्ववियु) को निर्वाचनमा सदस्य पदका उम्मेदवार पोख्रेल ६१० मतसहित विजयी हुनुभएको हो ।
सभापतिसहित बहुमत नेपाली कांग्रेस निकट नेविसंघ विजयी हुँदा सदस्यमा भने सचिव पोख्रेलले जित्न सफल हुनुभएको छ ।
त्रिवि केन्द्रीय क्याम्पसमा अखिल (छैठौं) ले अनेरास्ववियुसँग तालमेल गरेको थियो ।
सभापतिमा नेविसंघका ओझा विजयी
केन्द्रीय क्याम्पसको सभापतिमा नेपाल विद्यार्थी संघका श्यामराज ओझा सभापति विजयी हुनुभएको छ । ओझाले ९६२ मतसहित विजयी हुनुभएको हो ।
उहाँका निकटतम प्रतिद्वन्द्वी अनेरास्ववियुका प्रकाश विष्टले ६३१ मत ल्याउनुभएको छ ।
यहाँ कुल १३ वटा विद्युतीय मेशिन राखिएको थियो। यहाँ कुल मतदाता ३४ सय ४ रहेकामा २ हजार ७५ मत खसेको थियो।
