नवलपरासी । रक्तिम सांस्कृतिक अभियान नवलपरासीको जिल्ला भेला सम्पन्न भएको छ । शनिवार (चैत ४ गते) सम्पन्न भेलाले मेघराज गौतमको अध्यक्षतामा ११ सदस्यीय जिल्ला समिति गठन गरेको छ।
समितिको सचिव अशु पुन, सहसचिव जशु पुन र कोषाध्यक्षमा रामसिंह लामा चयन हुनुभएको छ । सदस्यहरुमा अनिता लिम्बू, निशा गौतम, बलबहादुर थापा तथा चार जना वैकल्पिक सदस्यमा धना थापा, उर्मिला भुजेल, सुस्मा थापा र विशाल नेपाली रहनुभएको छ । साथै लक्ष्मण हमाल, कुसुम आले, मनरूपा रानालाई भेलाले सल्लाहकारमा चयन गरेको छ ।
कार्यक्रमको उद्घाटन रक्तिम सांस्कृतिक अभियान पूर्वअध्यक्ष रेम रानाले पानसमा बत्ती बालेर गर्नुभएको थियो ।
कार्यक्रममा प्रमुख अतिथि रक्तिमका पूर्वअध्यक्ष राना, राष्ट्रिय जनमोर्चा जिल्ला अध्यक्ष किसन बहादुर अधिकारी, नेकपा (मसाल) का जिल्ला प्रवक्ता धनपति सापकोटा, अखिल नेपाल महिला संघका जिल्ला अध्यक्ष सम्झना सुवेदी, राजमो सुनवल नगर अध्यक्ष शेरबहादुर सुर्यवंशी, अखिल (छैठौं) का जिल्ला अध्यक्ष सगर सुवेदी लगायतले भेला सफलताको शुभकामना दिनु भएको थियो ।
कार्यक्रमको अध्यक्षता जिल्ला अध्यक्ष मेघराज गौतम र सञ्चालन धनमाया थापाले गर्नुभएको थियो ।
साथै, भेलाले १५ सदस्यीय जिल्ला कलाकार टोलीसमेत गठन गरेको छ । यस्तै, आउँदो वैशाख १,२,३ गते बुटवलमा हुने रक्तिम सांस्कृतिक अभियानको राष्ट्रिय सम्मेलनको प्रचार प्रसार गर्ने, सदस्यता अभियान सञ्चालन गर्ने, संगठन निर्माण गर्ने समेत निर्णय गरेको छ ।
