काठमाडौं । काठमाडौंमा ट्याक्सी चढ्ने क्रममा छुटेको बहुमूल्य सामान इमान्दारीपूर्वक फिर्ता गर्ने चालकलाई सुनको सिक्री उपहार दिइएको छ ।

सोमबार बा २ ज ४०७१ नम्बरको भाडा कार चालक नविन सिग्देललाई सुन्धराकी लक्की रिजालले सुनको सिक्री उपहार दिएकी हुन् ।

रिजाल सोमबार लाजिम्पाटदेखि थापाथलि नर्भिक अस्पतालसम्म जाँदा नम्बर नखुलेको भाडा कारमा अन्दाजी १३ तोला बराबरको सुनको गरगहना, ल्यापटप, महत्वपुर्ण मेडिकलको कागजपत्रहरु र लत्ता कपडा सहितको लगेज व्याग छुटेको थियो ।

त्यसबारे चालक सिग्देलले ट्राफिक हट लाईन १०३ मा जानकारी गराई खोजतलास शखामा सामान बुझाएका थिए । ट्राफिक प्रहरी महाशाखाले फेला परेको सामान सम्बन्धित धनीलाई हस्तान्तरण गर्ने क्रममा प्रोत्साहन स्वरुप चालकलाई सुनको सिक्री उपहार दिएकी हुन् ।