चेन्नै। प्रवासी नेपालीले पनि संघीयता खारेजीको माग गर्दै ऐक्यवद्वता सहित भारतको विभिन्न स्थानमा विरोध प्रदर्शन गरेका छन् ।
मूल प्रवाह अखिल भारत नेपाली एकता समाजले ‘गणतन्त्र र राष्ट्रियताको रक्षा गरौं, संघीयताको खारेजी गरौं’ भन्ने मूल नाराका साथ ऐक्यबद्धता सभा आयोजना गरेको हो ।
एकता समाज दक्षिण भारत क्षेत्रीय समिति अन्तर्गत चेन्नै महानगरी भित्रका पूर्व, पश्चिम, उतर र दक्षिण चारवटै नगर समितिको संयुक्त आयोजनामा सो कार्यक्रम सम्पन्न भएको छ ।
कार्यक्रमलाई मूल प्रवाह अखिल भारत नेपाली एकता समाजका कुलबहादुर थापाले साशकहरुको गलत सोच र विदेशीहरुको दलाली गर्ने प्रवृतिका कारण देश श्रीलंका, ईथोपिया र सुडानको दिशातर्फ धकेलिँदै गएको बताउनु भयो । उहाँले राष्ट्रियता र गणतन्त्रको रक्षा गर्दै संघीयताको खारेजी अनिवार्य रहेको बताउनु भएको थियो ।
त्यस्तै, चेन्नै पश्चिम नगर कोषाध्यक्ष एकदेब शर्मा, क्षेत्रीय अध्यक्ष चन्द्र बहादुर थापा,क्षेत्रीय सदस्य खगराज आचार्य, केन्द्रीय परिषद सदस्य काशिराम शर्मा, क्षेत्रीय सदस्य सूर्य प्रशाद भुसाल, पूर्व नगर समितिबाट विमल लामिछाने, केन्द्रीय परिषद तथा दक्षिण भारत क्षेत्रीय कोषाध्यक्ष लोकेन्द्र पौडेल, केन्द्रीय सदस्य केशमान नेपाली, जनजाति विभागबाट रेशम थापा, महिला विभागबाट मिना सापकोटा, गणेश सुब्बाले पनि सम्बोधन गर्नुभएको थियो ।
चेन्नै पूर्व नगर सदस्य सुनिल नेपाली र सम्झना नेपालीका छोरा युक्त बहादुर नेपालीले ४६औँ एनभर्सरी क्यालिव्रेसनमा अन्तर्राष्ट्रिय ओकाईनवा जो–जु–रोयो केनसाईकेई अवार्ड प्राप्त गरेको हुदा उहाँको परिवारलाई महासचिव थापा र क्षेत्रीय अध्यक्षले दोसल्ला ओढाएर सम्मान गर्नु भएको थियो ।
यसैगरी एकता समाज चेन्नै दक्षिण नगर सदस्य रोम बहादुर सापकोटाले धन्यवाद ज्ञापन गर्नु भएको थियो ।
चेन्नै उत्तर नगर सचिव तथा क्षेत्रीय सदस्य कोटिप्रसाद पोखरेलको सञ्चालन र चेन्नै पश्चिम नगर समितिका अध्यक्ष तथा केन्द्रीय परिषद सदस्य बुद्विराम पौडेलको अध्यक्षता केन्द्रीय परिषद सदस्य तथा दक्षिण भारत क्षेत्रीय सदस्य लक्षुमन चालीसेको स्वागतबाट कार्यक्रम सम्पन्न भएको थियो ।
