दिनेश रैदास, दाङ ।
राप्ती गाउँपालिका वडा नं. १ पुल्चोकस्थित स्वर्गद्वारी प्रावि तथा गृहिणी महिला आधारभूत विद्यालय र लिटल एन्जल इङलिस बोर्डिङ स्कुलले २०७९ माघ १२ गते बिहीबार छुट्टै कार्यक्रमको आयोजना गरी सरस्वती पूजा गरेका छन् ।
स्वर्गद्वारी प्राविमा भएको सरस्वती पूजा कार्यक्रममा विद्यालयका छात्रछात्रा, विद्यालय व्यवस्थापन समिति, अभिभावक तथा विधालयका शिक्षिकाहरूले विद्याकी देवी सरस्वतीको फोटोमा फूल, अबिर तथा अगरबत्ती बालेर सरस्वती बन्दना गरी मनाएका हुन् ।
कार्यक्रममा विद्यालय व्यवस्थापन समितिका अध्यक्ष हेमराज विष्ट, निवर्तमान अध्यक्ष महेश रिजाल, प्रधानाध्यापक सविता चौधरी समेतको उपस्थिति रहेको थियो।
त्यसैगरी लुम्बिनी प्रदेशको राजधानी भालुबाङ पुल्चोकस्थित लिटल एन्जल इङलिस बोर्डिङ स्कुलले अक्षराम्भ तथा मुटु परीक्षण कार्यक्रम गरी मह सरस्वतीको पूजा गरेको छ । सो अवसरमा वरिष्ट मुटुरोग विषेशज्ञ तथा हर्ट डिजिज एन्ड डाइ्बेटिज समाज ललितपुरका डाक्टर सुमन्त बन्जाडे र डाक्टर भरत पोख्रेलले विद्यालयमा अध्ययनरत छात्रछात्राको मुटु परीक्षण गर्नुभएको थियो ।
विद्यार्थीहरूको परीक्षणपछि आयोजित कार्यक्रममा विद्यालयका अध्यक्ष जगत्प्रसाद पोखरेलको सभापति र शिक्षक आनन्द लामिछाने स्वागत मन्तव्यबाट सुरु भएको समारोहमा प्रमुख अतिथि डा. सुमन्त बन्जाडे, विशिष्ट अतिथि डा. भरत पोख्रेल, सञ्चारकर्मी महेश रिजाल, नेपाल मुटु रोग फाउन्डेसन दाङ शाखा प्रमुख रविलाल आचार्यलगायतले मानव स्वास्थ्यमा मुटु अत्यन्तै संवेदनशील हुने भएकोले यसबाट बच्न र मुटुरोग लाग्न नदिन यस प्रकारका सचेतना कार्यक्रमको महŒव भएको बताउनुभयो ।
विद्यालयका शिक्षक गोविन्द शर्माको उद्घोषणबाट सुरु भएको सरस्वती पूजा समारोहमा विद्यालयका छात्रछात्राले गीतनृत्य प्रस्तुत गरेका थिए ।
