बापी । मूल प्रवाह अखिल भारत नेपाली एकता समाज पश्चिम भारत क्षेत्रीय कोषाध्यक्ष प्रविन काउछा र क्षेत्रीय सदस्य एवम् रक्तिम विभागका संयोजक हरि काउछालाई मातृ शोक परेको छ ।

मूल प्रवाहका नेताद्वयकी आमा जीवकला घर्ती मगरको ४ माघ २०७९ (तदानुसार १८ जनवरी २०२३) का दिन ७१ वर्षको उमेरमा निधन भएको छ ।

अर्घाखाँचीको मालारानी गाउँपालिका–६ साकिन्धारा निवासी जीवकला मूल प्रवाह अखिल भारत नेपाली एकता समाज केन्द्रीय समिति सदस्य रमकला काउछा र महिला विभागकी केन्द्रीय सदस्य बिना काउछाकी सासुआमा समेत हुनुहुन्थ्यो ।

मूल प्रवाह अखिल भारत नेपाली एकता समाजले जीवकलाको निधनप्रति गहिरो दुःख व्यक्त गरेको छ ।

समाजका केन्द्रीय अध्यक्ष ठाकुर खनालले एक शोक वक्तव्य जारी गरी मृतकप्रति भावपूर्ण श्रद्धाञ्जली व्यक्त गर्दै शोक सन्तप्त परिवारजनमा गहिरो समवेदना प्रकट गर्नुभएको छ ।