खिमराज चालिसे, चंडिगढ ।
मूल प्रवाह अखिल भारत नेपाली एकता समाज सुदूरपश्चिमोत्तर क्षेत्रको बठिन्डा नगर समितिले कलाकारलाई सम्मान गरेको छ । २०७९ सालको प्रगतिशील जनवादी भैलो खेल्ने रक्तिम सांस्कृतिक अभियानको टिमका कलाकारहरुलाई मूल प्रवाहले सम्मान गरेको हो ।

मूल प्रवाहका केन्द्रीय अध्यक्ष ठाकुर खनाल र केन्द्रीय उपाध्यक्ष कपिल खनालले कलाकारहरुलाई पदक दिएर सम्मान गर्नु भएको थियो। सो अवसरमा सम्बोधन गर्दै खनालले कलाकारहरुको महत्व तथा अनुशासनको विषयमा स्पष्ट पार्नु भएको थियो ।

शुभकामना दिने अन्य वक्ताहरूमा केन्द्रीय उपाध्यक्ष कपिल खनाल, नगर सदस्यहरु नारायण केसी, गणेश पोख्रेल, टेक बहादुर केसी लगाएत हुनुहुन्थ्यो।

तुल्सा थापाको अध्यक्षतामा तथा गिरी मगरको संचालनमा सम्पन्न कार्यक्रममा स्वागत नर बहादुर ओलीले गर्नु भएको थियो।