हैदरावाद (भारत) । अन्तर्राष्ट्रिय एकताको लागि प्रवासी नेपाली जनताको मञ्च, हैदरावाद उत्तरले विश्व सर्वहारावर्गका महान नेता जोसेफ स्टालिनको १४४औँ जन्मजयन्ती मनाएको छ ।
पर्शुराम शर्माको अध्यक्षता, प्रताप शर्माको सञ्चालन तथा लालबहादुर थापाले स्वागत मन्तव्यबाट अघि बढेको कार्यक्रममा सहभागीहरुले जोसेफ स्टालिनको फोटोमा अबिर तथा माल्यार्पण गरि सम्मान प्रकट गरेका थिए ।
कार्यक्रममा एकता समाज मध्य दक्षिण क्षेत्रीय सदस्य सूर्य बहादुर थापा, क्षेत्रीय सदस्य तथा उत्तर नगर अध्यक्ष मोहन लाल शर्मा, महिला क्षेत्रीय विभागकी सीता थापा लगायतका वक्ताहरुले स्टालिनको जिवनी तथा उहाँले प्रतिपादन गरेका नीति र सिद्धान्तबारे स्पष्ट पार्नुभएको थियो ।
वक्ताहरुले कम्युनिस्टका नाममा विभिन्न प्रकारका अवसरवादी, संशोधनवादी, दक्षिणपन्थी तथा उग्रक्रान्तिका कुरा गरि प्रतिक्रान्तिको सेवा गर्ने चरम प्रकारका लफ्फाजिहरु पन्छ्याउँदै अगाडि बढ्नुपर्नेमा जोड दिनुभएको थियो ।
