गणेश अधिकारी, पोखरा ।
अखिल नेपाल महिला संघ कास्कीको चौथो जिल्ला सम्मेलन शनिबार पोखरामा सम्पन्न भएको छ । सम्मेलनले जमुना खत्रीको अध्यक्षतामा १७ सदस्यीय जिल्ला समिति निर्माण गरेको छ ।

समितिको उपाध्यक्षमा पार्वती पाठक, सचिवमा लक्ष्मी कुँवर, सह सचिवमा मिना लक्ष्मी शर्मा र कोषाध्यक्षमा सुसिला सुनुवार निर्वाचित हुनु भएको छ । सदस्हरुमा देविकला बिक, यमादेवी पौडेल, देवि अधिकारी, सरिता श्रेष्ठ, अम्बिका अधिकारी, शान्ति गुरुङ र सोभिता अधिकारी चयन हुनुभएको छ । यस्तै, वैकल्पिक सदस्यमा शान्ती बोहोरा, पार्बती ढकाल, मिना रेग्मी र सुन्दरी राना चयन हुनुभएको छ । एक पुर्ण सदस्यको स्थान रिक्त राखिएको छ ।

त्यस्तै, सल्लाहकारहरुमा सपना बराल, सावित्री केसी, हरिकला शर्मा, ज्ञानु कार्की र गंगा गायक चयन हुनु भएको छ ।

सम्मेलनको उद्घाटन अनेमसंघकी केन्द्रीय उपाध्यक्ष लक्ष्मी बास्कोटाले गर्नुभएको थियो । कार्यक्रममा राष्ट्रिय जनमोर्चा गण्डकी प्रदेश अध्यक्ष शंकर बराल, गण्डकी प्रदेशसभा सदस्य पियारी थापा, नेकपा (मसाल) कास्कीका प्रवक्ता चन्द्रबहादुर केसी, राजमो जिल्ला अध्यक्ष रबिमोहन ढकाल, अखिल (छैठौं) केन्द्रीय उपाध्यक्ष गणेश अधिकारी,अखिल नेपाल युवक संघका केन्द्रीय सदस्य बिक्रम थापा, अखिल नेपाल ट्रेड युनियन महासंघ (अन्टुक) का केन्द्रीय सदस्य नाम बहादुर बाठा मगर, जनजाति सम्मेलनका गण्डकी प्रदेश अध्यक्ष दिपक गुरुङ, किसान संघका जिल्ला सचिव राम प्रसाद पौडेल, बुद्धिजीवी संघका प्रविन पौडेललगायत नेताहरुले सम्मेलन सफलताको शुभकामना व्यक्त गर्नु भएको थियो ।

कार्यक्रमको अध्यक्षता सपना बरालले गर्नुभएको थियो भने स्वागत जमुना खत्रीले गर्नुभएको थियो ।

जेष्ठ नागरिक गोबिन्द पौडेलले नवनिर्वाचित समितिलाई बधाईसहित कार्यकाल सफलताको कामना गर्नुभएको थियो ।