काठमाडौं । सिराहाकी बिनु यादव मंगलबार न्याय माग्दै सर्वोच्च अदालतको गेटमा पुगिन् । गेटमा रातो रंग फ्याँक्दै न्यायालयको विरोध गरिन् ।
सेतो सारीमा सर्वोच्च अगाडि पुगेकी बिनुले न्यायलयप्रति आक्रोश पोखिन। फालिएको रातो रंगले पीडितको न्यायलय प्रति हराएको विश्वास र बलात्कार हुँदा उनको बगेको रगतको हो संकेत गरेको छ । रंग फालेर बिनुले ‘मलाई न्याय चाहियो’ भन्दै चिच्याइन्। त्यसलगत्तै उनलाई प्रहरीले नियन्त्रणमा लिएको छ ।
उनले श्रीमानले आफूमाथि हिंसा गरेको आरोप लगाउँदै आएकी छन् । उनको मुद्दा पाटन उच्च अदालतमा विचाराधीन छ । न्यायका लागि भन्दै उनी सडक संघर्षमा उत्रिन थालेकी छन् ।
उनले श्रीमानले आफूमाथि हिंसा गरेको आरोप लगाउँदै आएकी छन् । उनको मुद्दा पाटन उच्च अदालतमा विचाराधीन छ । न्यायका लागि भन्दै उनी सडक संघर्षमा उत्रिन थालेकी छन् ।
३१ औँ अन्तर्राष्ट्रिय महिला हिंसाविरुद्धको १३ दिने अभियान संसारभर चलिरहेको छ । नेपालमा पनि अभियान अन्तर्गत विभिन्न कार्यक्रम भैरहेका छन्। तर बिनु यादव भने न्याय माग्दै न्यायालय धाइरहेकी छिन् ।
बिनुले केही महिनाअघि रामेछाप जिल्ला अदालतको इजलासमै विष सेवन गरेर आत्महत्याको प्रयास समेत गरेकी थिइन् । उनले पतिसहित घरपरिवारले शारीरिक र मानसिक रुपमा हिंसा गरेको बताउँदै आएकी छन् ।
