जनकपुरा । जनकपुरको मोडेल मल्टिपल कलेजको बसले मोटरसाइकललाई ठक्कर दिँदा धनुषामा दुई युवाको मृत्यु भएको छ । मृत्यु हुनेमा क्षिरेश्वरनाथ नगरपालिका ९ पर्सापकियाका २५ वर्षीय सन्तोस ठाकुर र सोही स्थानका २५ वर्षीय अनवर राई रहेका छन् ।

मंगलबार दिउँसो जनकपुर ढल्केबर सडकखण्डको लक्ष्मीनिया र सपहीको बीचमा ढल्केबरबाट जनकपुरतर्फ गइरहेको ज१क २८२ नम्बरको कलेज बसले विपरीत दिशाबाट आउँदै गरेको ज१०प ३५३५ नम्बरको मोटरसाइकललाई ठक्कर दिँदा दुई युवाको मृत्यु भएको हो । उनीहरु दुवै जनाको घटनास्थलमै मृत्यु भएको प्रहरीले जनाएको छ ।

ठक्कर दिएको कलेजको बसमा स्थानीय आक्रोशित युवाहरु आगगजनी गरेका छन् । आजगनीबाट बस पूर्णरुपमा जलेर नष्ट भएको छ ।