काठमाडौं । कृषि विकास बैंक, न्यूरोड शाखा कार्यालयमा ४ करोड २४ लाख रुपैयाँ घोटाला प्रकरणमा ८ जना विरुद्ध मुद्दा दायर गरिएको छ । मंगलबार अख्तियार दुरुपयोग अनुसन्धान आयोगले शाखा प्रवन्धक प्रेमहरी ढुंगेलसहित ८ जना विरुद्ध विशेष अदालतमा मुद्दा दायर गरेको हो ।

आयोगले बैंकका प्रवन्धक ढुंगेल, टेलर सहायक दिपिका रेग्मी, ऋण शाखा प्रमुख गोपाल गिरी, तत्कालीन ऋण अधिकृत अवकाश प्राप्त सलिल रेग्मी, ऋण शाखा प्रमुख महेश्वर मरहट्ठा, तारानाथ पाण्डे, अवकास प्राप्त सहायक रथी रमेशराज बिष्ट र दुर्गा ज्वेलरीका संचालक प्रकाश घतानीविरुद्ध मुद्दा दायर गरेको जनाएको छ । अख्तियारले उनीहरुले आपसी मिलेमतोमा गैर कानुनी रुपमा बैंकबाट चार करोड, २४ लाख, १३ हजार, ६ सय १५ रुपैयाँ ४५ पैसा झिकेर हिनामिना गरेको जनाएको छ ।

राष्ट्र बैंकको निर्देशिका विपरित सबै व्यक्तिहरुको मिलेमतोमा चेक क्लियरिङको काम गरी प्राप्त रकम भागबण्डा गरिएको अख्तियारको ठहर छ ।