भीष्म जोशी
अक्टोबर २२, २०२२ मा सम्पन्न चिनियाँ कम्युनिस्ट पार्टी (सीपीसी) को राष्ट्रिय महाधिवेशनले तेस्रो कार्यकालका लागि ६९ वर्षीय सी जिनपिङलाई महासचिवमा निर्वाचित गरेको छ । ९ करोड ६० लाख भन्दा बढी पार्टी सदस्य र ४६ लाख बढी उम्मेदवार सदस्य गरी झन्डै १० करोडभन्दा बढी पार्टी सदस्य रहेको चिनियाँ कम्युनिस्ट पार्टीले ७ सदस्यीय स्थायी समिति, २०३ सदस्यीय केन्द्रीय समिति, १६८ सदस्यीय वैकल्पिक केन्द्रीय सदस्य र अनुशासन आयोगको निर्वाचन गरेको छ ।
एक साता लामो महाधिवेशनले सन् २०५० सम्मको चिनियाँ विशेषता सहितको आधुनिक समाजवादी चीन कस्तो बनाउने भन्ने योजना र दस्तावेज पारित गरेको छ । बिसौँ महाधिवेशनको सङ्कल्प प्रस्ताव नाम दिइएको उक्त प्रतिवेदनको सारसङ्क्षेप यो लेखमा प्रस्तुत गर्न खोजिएको छ ।
महासचिव सी जिनपिङद्वारा प्रस्तुत गरिएको प्रतिवदेनमा मार्क्सवाद, लेनिनवाद, माओत्सेतुङ विचारधारा, देङस्याओपिङको सिद्धान्त सी विचारधारालाई आदर्श मान्दै चिनियाँ विशेषतासहितको आधुनिक समाजवादको झन्डालाई उचो बनाउने प्रतिबद्धता व्यक्त गरिएको छ । विकासको वैज्ञानिक दृश्यावलोकन, नयाँ युगको समाजवादी सी विचारधारा र कार्यान्वयन योग्य सी विचारधारालाई मुख्य जोड दिइएको छ ।
राष्ट्रिय/अन्तर्राष्ट्रिय परिस्थितिको ठोस विश्लेषणका आधारमा र गत पाँच वर्ष र दशकका कामको मूल्याङ्कनका आधारमा माक्र्सवादलाई चिनियाँ परिवेशअनुरूप अगाडि बढाएर चीनको आधुनिकीकरण गर्न यसका आधारभूत मान्यतालाई अगाडि सारिएको छ । चीनमा आधुनिक समाजवाद स्थापना गर्न र चीनको महान् कायापलट गर्न योजनाबद्ध तरिकाले अगाडि बढ्न जरुरी रहेको बताइएको छ । यसका लागि पाँचपाङ्ग्रे एकीकृत योजना र चारैतिर फैलिएको बृहत् रणनीतिका साथै निरन्तर पार्टी सुदृढीकरण र देशको प्रगतिमा जोड दिएइको छ। यसका लागि नयाँ शताब्दीको नयाँ युगमा प्रवेश गर्न ठोस कदमको आवश्यकता रहन्छ ।
महाधिवेशनको यो दस्तावेजलाई पार्टी र जनताको मार्गनिर्देशक दस्तावेजका रूपमा लिनुपर्ने भनिएको छ । सी विचारधारालाई चिनियाँ विषेशता सहितको समाजवादको रूपमा ग्रहण गर्न जोड दिइएको छ ।
पार्टीको महान् संस्थापन बेलाको आत्माका आधारमा दृढताका साथ सु सङ्गठित ढंगले अगाडि बढ्दै, आधारभूत सिद्धान्तको जगमा नयाँ आधार बनाउँदै जानुपर्छ । यसका आधारमा चिनमा कायापलट गर्न सकिन्छ । हामीले निम्न आधारमा अगाडि बढ्नपर्दछ ।
पार्टीले चिनियाँ राष्ट्रवादलाई महान् बनाउन समर्पित हुनुपर्नेछ । यसका लागि र हामी मानवका लागि शान्ति आवश्यक ठान्दछौ । हामीले हाम्रा आदर्शलाई विर्सनु हुन्न र साथ साथै आधुनिक, विवेकी र कडा मेहनेती बन्नैपर्छ । हामीले हामीमा उत्साह र लडाकुपना कायम राख्नैपर्छ ।
विगत ५ वर्षमा कोभिड १९ का बावजुद पनि हामी माक्र्सवाद, लेनिनवाद, माओ विचारधारा, देङ सिद्धान्त र सी विचारधारालाइ गोलबद्ध गर्दै आर्थिक, राजनैतिक रूपले नै सफलतापूर्वक अगाडि बढ्यौ र आज यो अधिवेशनको अवस्थामा आइपुग्यौँ ।
हामीले हाम्रो पार्टीको इतिहास प्रति गर्वगर्दै चिनलाई आधुनिक युगमा प्रवेश गराएका छौँ र यसका लागि हामीले अझै दिलोज्यानले मेहनत गर्न जरुरी छ । चिनियाँ विशेषता सहितको आधुनिक समाजवादमा अगाढि बढ्न हामीले यी निम्न कार्यनीति लाई अगाडि बढाउन जरुरी छ :
विशाल जनसमुदायको आधुनिकिकरण गर्नु, सबैको लागि साझा समृद्धि, सांस्कृतिक, मौलिक नैतिक सम्पन्नता, प्रकृति र मानव बीच सुमधुर सम्बन्ध र शान्तिपूर्ण विकास गर्न जरुरी छ ।
चीनको आधुनिकरणका अति आवश्यक तत्वहरू निम्न बमोजिम छन् ।
चिनियाँ कम्युनिस्ट पार्टीको नेतृत्वलाई उच्चस्तरमा पु¥याउन र चिनियाँ विशेषता सहितको आधुनिक समाजवाद मैत्री बन्नु ।
उच्च गुणस्तरीय– विकास निर्माण गर्नु,
जनवादी– लोकतान्त्रिक प्रकृयालाई विकसित तुल्याइनु ।
जनताको सांस्कृतिक जीवनलाई समृद्धशाली बनाउनु ।
सबैको साझा समृद्धि प्राप्त गर्नु ।
मानवता र प्रकृति बीच सुमधुर सम्बन्ध कायम गर्नु ।
मानव समुदायको साझा भविष्यको निर्माण गर्नु ।
नयाँ प्रकृतिको मानबीय समृद्धि हासिल गर्नु ।
यसका लागि यो महाधिवेशन दुइटा मुख्य रणनीतिमा जोडदिन्छ । जसले महान आधुनिक समाजवादी चीन बनाउन मद्दत पुर्याओस् ।
पहिलो २०२० देखी २०३५ सम्म आधारभूत आवश्यकताको परिपूर्ति गर्ने । दोस्रो महान आधुनिक समाजवादी चीन निर्माणका लागि समृद्ध, बलियो, जनतान्त्रिक, सांस्कृतिक वैभवशाली र सुन्दर चीन सन् २०३५ देखिपछि यो शताब्दीको मध्यसम्म बनाउने, अबका ५ वर्ष समाजवादी चीन निर्माणमा हाम्रा सम्पूर्ण प्रयास यसमै केन्द्रित गरिनेछन् । यो अवधिका लागि हाम्रा लक्ष्य र उद्देश्य देहाय बमोजिम हुनेछन् ।
उच्चस्तरको आर्थिक विकासको प्रवद्र्धन : महान आर्थिक आत्मनिर्भरताका लागि बलियो विज्ञान प्रविधिको विकास गरिनेछ, यसका लागि नयाँ शैलीको आधुनिक अर्थतन्त्र निर्माणमा जोड दिइनेछ ।
नयाँ प्रणालीको सुधार र खुलापनः शासन प्रणालीको आधुनिकिकरण र अग्रगामी सुधार, समाजवादी नीतिमा सुधार, खुला अर्थतन्त्र लगायत को उच्चस्तरमा विकास गरिनेछ ।
संस्थागत सुदृढीकरण, स्तरीकरण, जनवादी लोकतन्त्रको पुरै कार्यविधि र प्रकृयाको उच्चस्तरमा सुधार, समाजवादी कानुनी प्रणाली अनुसारको सुधार जुन चीनियाँ विशेषतामा आधारित हुनेछ ।
जनताको बौद्धिक र सांस्कृतिक जीवनपद्धतिमा सुधार गरिनेछ , चिनियाँ राष्ट्रवाद र संस्कृतिको विस्तार गरिनेछ ।
प्रतिव्यक्ति आम्दानीमा बृद्धि गरिनेछ । आर्थिक बृद्धि र बिकासका साथसाथै आर्थिक मिलनसार संस्कृतिको विकास गरिनेछ । यसले उत्पादकत्वमा बृद्धि हुनेछ, आधारभूत सेवामा सबैको सहज पहुँच स्थापित हुनेछ, सामाजिक सुरक्षा प्रणाली मजवुत बनाइनेछ ।
शहरी र ग्रामिण बस्तिलाई दिगो बनइनेछ । सुन्दर चिन निर्माणमा विशेष जोड दिइनेछ ।
राष्ट्रिय सुरक्षाव्यवस्था लाई सुदृढ बनाइनेछ, २०२७ सम्म जनसेनाको शताब्दियौँ लक्ष्य पुरा गरिनेछ, विश्वस्तरीय सेना बनाउन सेनाको क्षमता विकास गरिनेछ । जसले शान्तिपूर्ण चीन निर्माण गर्न र सुरक्षित चीन बन्न ठोस योगदान पुग्नेछ ।
आगामी दिनमा चिनलाई अन्तराष्ट्रिय स्तरमा प्रभाव कायम राख्न सक्ने बनाइनेछ । जसले गर्दा विश्व शासनमा चीनले महत्वपूर्ण भूमिका निभाउन सकोस् ।
हाम्रो भविष्य सुन्दर छ, तर यसको लागि हामीले लामो यात्रापार गर्नुपर्नेछ । हामीले हाम्रो अगाडिको यात्रा समृद्ध बनाउन निम्न कुरामा ध्यान पु¥याउनु पर्नेछ :
पार्टी र पार्टीको समग्र नेतृत्वको सृद्धृढीकरण गरिने। पार्टी नेतृत्वको वरि परि सबै संरचना र जनतालाई गोलबद्व गर्ने ।
चिनियाँ विशेषता सहितको आधुनिक समाजवादलाई अगाल्नु ।
जनकेन्द्रीत विकास दर्शनको पालनागर्नु, बाँकि रहेको विकासलाई गहनताका साथ पुरा गर्नु ।
हाम्रो लडाकुपनलाई बोकेर लैजानु र पार्टीको कटिबद्दतालाई विश्वसनीय बनाउँदै लक्ष्यमा दृढ रहनु, अल्छिपना त्याग्दै, क्षण क्षणमा हुने परिवर्तनलाई छिचोल्दै र कठिनाईसँग सामना गर्दै अगाडि बढ्नु छ । यसमै नयाँ सफता खोज्नु र चिनियाँ विशेषता सहितको आधुनिक समाजवादी चिन निर्माणको दिशामा अगाडि बढ्नु ।
पार्टीले देश निर्माणको लागि लिएको नयाँ दर्शन योजना बद्ध र रणनैतिक छ । यसको लागी नयाँ विकासको दर्शनको आधारमा सबै क्षेत्रलाई गतिशिल बनाउन जरुरी छ, र यसको लागि हामीले
बजार प्रणाली समृद्ध बनाउनु छ ।
आधुनिक चीन हाँक्ने शिक्षा प्रणाली र विज्ञानमा विकास गर्न जरुरी छ ।
देशको समग्र जनवादी लोकतन्त्रमा विकास गर्न र सुधार गर्न जरुरी छ । यसका लागि पार्टी, जनता र पार्टी नेतृत्व बीचको घनिष्ट एकताको खाँचो छ ।
हामीले कानुनी शासनलाई सुदृढ गर्न जरुरी छ । जसले समाजिक न्याय र न्यायिक स्वच्छता कायम गर्न सकोस् ।
हामीले सांस्कृतिक विश्वसनीयता बलियो बनाउन जरुरी छ । जसले समाजवादी संस्कृतिको निर्माण होस् ।
जनताको गुणस्तरीय जीवन निर्माणमा ध्यानदिन जरुरी छ । जबकि स्वस्थ शरीरले कठिन काम गर्न सकुन र देशको ठोस प्रगति होस ।
हामीले हरित विकासमा ध्यान दिन जरुरी छ यसले मानव र प्रकृति बीच दिगोपना कायम रहोस् र सुमधुर सम्बन्ध बनोस् ।
हामी राष्ट्रिय सुरक्षामा विशेष ध्यान दिन्छौँ र राष्ट्रिय सुरक्षामा कायापलट गर्न चाहन्छौं । देशको सुरक्षा, राष्ट्रियताको रक्षा, सामाजिक, आर्थिक, र राष्ट्रिय सुरक्षाका लागि यो अनिवार्य छ ।
हामी २०२७ भित्र हाम्रो जनमुक्ति सेनाको सुदृढीकरण गर्न चाहान्छौँ र विश्वस्तरीय बलियो सेना निर्माण गर्न चाहान्छौ । यो हाम्रो शताब्दीको लक्ष्य पनि हो । पार्टी, जनता र राजनितिक नेतृत्व प्रतिसेनाको प्रतिबद्धता रहनेछ ।
हामी ‘एक देश र दुई व्यवस्थाको’ महान् समाजवादी विचार प्रति दृढ छौँ । हाम्रो मातृभूमिमा पुनर्मिलन भएका हङकङ र मकाउको राजनैतिक स्वतन्त्रता कायमराख्दै त्यहाँ प्रयासनिक सुधार गर्न चाहन्छौ ।
ताइवान मामिलामा सन् १९९२ को सहमति कार्यान्वयन गर्न चाहान्छौन्, हामी स्वतन्त्र ताइवानको विरोध गर्दछौँ । हामी पुनर्मिलनमा जोड दिन चाहान्छौँ ।
हामी स्वतन्त्र परराष्ट्रनीति अवलम्बन गर्दै विश्व शान्ति र साझा विकास चाहान्छौँ, र हामी मानवको साझा भविष्य प्रति प्रतिवद्ध छौँ । हामी पञ्चशिलको सिद्दान्तमा प्रतिबद्ध छौँ । चिन विश्वशासन व्यवस्था न्यायपूर्ण र स्वच्छ होस भन्ने चाहन्छ र हामी यसमा सुधार चाहान्छौँ । हामी सबै राष्ट्रहरूलाई मानवीय मूल्य, शान्ति, विकास, न्यायिक स्वच्छता, लोकतन्त्रका लागि साझा लडाई लड्न आग्रह गर्दछौं ।
हामी विश्वकै मार्क्सवादी सत्ताधारी पार्टीहरूमा ठुलो हुनुका चुनौती र हाम्रा जिम्मेवारीका बारेमा सजग छौँ र हरेक चुनौतीसित सामना गर्ने छौ र यसका लागि जनताको साथ सहयोगको अपेक्षा गर्दछौँ ।
हामी जनताको व्यापक समर्थनबाट पार्टी र पार्टी नेतृत्वको वरिपरि जनता लाई गोलबद्ध गर्दै चिनियाँ विशेषता सहितको आधुनिक समाजवादी चिन निर्माण गर्न कटिबद्ध छौँ । यसमा समग्र पङ्तिको समर्थनको खाँचो छ र समर्थन चाहान्छौँ । हामी एकता बद्ध भई आधुनिक समाजवादी चिन निर्माणमा दृढ छौँ ।
(चिनियाँ कम्युनिष्ट पार्टीको वेबसाइटबाट ।)
