रामप्रसाद पौडेल, हैदराबाद ।
मूल प्रवाह अखिल भारत नेपाली एकता समाज मध्य दक्षिण क्षेत्रीय समिति अन्तर्गत हैदरावादका तीन नगर समितिको संयुक्त आयोजनामा देउसी भैलो सम्पन्न भएको छ ।
हैदरावादमा सम्पन्न भएको कार्यक्रममा मूल प्रवाह अखिल भारत नेपाली एकता समाज मध्य हैदराबाद नगर समितिका अध्यक्ष तिलक रानाको सञ्चालन तथा दक्षिण हैदराबाद नगर समितिका अध्यक्ष वीर बहादुर विकको अध्यक्षताबाट अघि बढेको थियो ।
कार्यक्रममा उत्तर नगर समितिका अध्यक्ष मोहनलाल शर्माले स्वागत मन्तव्य तथा रक्तिमका कलाकारहरुले गीत र संगीतबाट स्वागत गर्नुभएको थियो ।
कार्यक्रममा मूल प्रवाह अखिल भारत नेपाली एकताका केन्द्रीय सदस्य तथा मध्य दक्षिण क्षेत्रीय अध्यक्ष रामप्रसाद पौडेलले सम्बोधन गर्दै प्रगतिशील पर्वको बारेमा प्रस्ट पार्नुभएको थियो ।
उहाँले दुःख सुखलाई सामुहिक रुपमा आदान प्रदान गर्दै सामाजिक सद्भाव कायम गर्नु, पुराना रुढीवादी चिन्तन र सोचविचारलाई परिवर्तन गरि नयाँ र उन्नत समाज निर्माण गर्न मद्दत पुर्याउने उद्देश्यले पर्वहरुलाई प्रगतिशील तरिकाले मनाउनु पर्ने बताउनु भयो ।
त्यस्तै, मूल प्रवाह केन्द्रीय सदस्य फूलबिना पौडेल, केन्द्रीय प्रतिनिधि केरतन सिंह, महिला क्षेत्रीय विभागकी संयोजक पुष्पा पौडेल, रक्तिम क्षेत्रीय विभागकी संयोजक कृष्ण कुमारी विकले सम्बोधन गर्नुभएको थियो ।
देउसी भैलो कार्यक्रममा संकलन भएको रकम क्षेत्रीय समितिका कोषाध्यक्ष घनश्याम शर्माले प्रस्तुत गर्नुभएको थियो । उक्त कार्यक्रममा रक्तिम कलाकारहरुले देउसी भैलो सम्बन्धि गीत तथा नृत्य प्रस्तुत गरेका थिए ।
