बुटवल । रक्तिम सांस्कृतिक अभियान केन्द्रीय समितिको आयोजनामा प्रगतिशील देउसीभैलो रुपन्देहीको बुटवलमा चलिरहेको छ ।
केन्द्रीय अध्यक्ष गिरीप्रसाद बुढाको नेतृत्वमा २०७८ कार्तिक ८ गते मङ्गलबारदेखि उक्त देउसीभैलो कार्यक्रम सुरु भएको थियो ।
प्रगतिशील देउसीभैलोको उद्घोषण रक्तिमका महासचिव जीवन शाहीले गरिरहनुभएको छ भने केन्द्रीय सदस्यहरू उषा तारामी मगरले नृत्य तथा र थुमराज ढुङ्गानाले गायनको नेतृत्व गरिरहनुभएको छ ।
कार्यक्रममा रक्तिमका अन्य कलाकारहरूमा रमेश पुन, एलिसा पुन, समष्टि बुढा, ललिता तारामी, सावित्रा पुलामी, पूजा एसके, ममता परियार, विजय घर्ती, मिलन परियारलगायत हुनुहुन्छ ।
प्रगतिशील देउसीभैलोमा राष्ट्रिय जनमोर्चाका केन्द्रीय सल्लाहकार तथा राष्ट्रियसभा सदस्य राजेश विश्वकर्मा, कम्युनिस्ट सङ्ग्रहालयका चेतनाथ आचार्य, अखिल नेपाल बुद्धिजीवी सङ्घका केन्द्रीय सदस्य दुर्गानाथ खरेल, अखिल नेपाल राष्ट्रिय उद्योग व्यापार सङ्घका अध्यक्ष ढुन्डीराज पौडेल, अखिल (छैठौं) का केन्द्रीय सदस्य सागर बेल्बासेलगायत राजमो रुपन्देहीका नेता–कार्यकर्ताको सक्रिय सहभागिता रहँदै आएको छ ।
कार्यक्रममा रक्तिम सांस्कृतिक अभियानले सोरठी, पञ्चेबाजा, तिहारसम्बन्धी तयार पारिएका प्रगतिशील लोकनृत्यका साथै क्रान्तिकारी जोस र भावनाले भरिएका अपेरा नृत्यलाई प्रस्तुत गर्दै आइरहेको छ ।
