काठमाडौं ।
तिहारै आउँदा रमाइलो हुन्छ देउसी र भैलोमा
हजारी फूल सजाउँदाखेरी घर संघार दैलोमा….
हरेक वर्ष जस्तै रक्तिम सांस्कृतिक अभियानका कलाकारहरुले तिहार पर्वका अवसरमा यस वर्ष पनि काठमाडौंका विभिन्न स्थानमा सशक्त देउसी भैलो प्रस्तुत गरे।
राष्ट्रिय जनमोर्चाको आयोजनामा रक्तिमका कलाकारहरुले कात्तिक ७ गतेदेखि सञ्चालन गरेको देउसी भैलोको कार्यक्रम आज (शुक्रबार) समापन भएको छ ।
समापनका अवसरमा कपनस्थित राजमोको केन्द्रीय कार्यालय परिसरमा कलाकारले आफ्ना विभिन्न प्रस्तुतीहरु प्रस्तुत गरे ।
त्यसक्रममा विविध तिहार गीतहरू, टप्पा नृत्य ‘काठमाडौंको सिंहदरबार’, ‘झुक्ने छैन यो शीर हाम्रो’, साना नानीहरुको ‘बाबा नबस विदेशमा’ लगायतका गीत तथा नृत्यहरु प्रस्तुत गरेका थिए ।
रक्तिम सांस्कृतिक अभियानले हरेक वर्षको तिहारमा जस्तै यस वर्ष पनि काठमाडौंमा प्रगतिशील देउसी भैलो प्रस्तुत गरेको हो ।
अभियानका उपाध्यक्ष हेमराज आश्रमको नेतृत्वमा रहेको कलाकार टिममा मेस्मा पुन, राम परियार, राम राना, पुजन गुरुङ, पवन विक, सुप्रभात कार्की, केशव राना, यामसेन पुन, गौरव चौधरी, शिशिर शर्मा कविता चौधरी, पूजा बेलबासे, पवित्रा आचार्य, युजिन श्रेष्ठ, पूजा चौधरी र सिम्रन अधिकारीलगायत कलाकारहरुले सशक्त प्रस्तुतसहित यस वर्षको तिहारलाई बिदाइ गरे।
कार्यक्रममा राष्ट्रिय जनमोर्चाका अध्यक्ष चित्रबहादुर केसी, उपाध्यक्ष दुर्गा पौडेल, महासचिव मनोज भट्टलगायत नेता कार्यकर्ताहरु विभिन्न दिनको देउसी भैलोमा सामेल हुनुभएको थियो ।
काठमाडौंमा रक्तिमको प्रगतिशील देउसी भैलो सुरु
