नयाँ दिल्ली । मूल प्रवाह अखिल भारत नेपाली एकता समाजले नेपालीहरुको महान पर्व तिहारका अवसरमा भारतका विभिन्न शहरहरुमा प्रगतिशील देउसी भैलो खेलेको छ ।
मनोरञ्जन र भारतस्थित नेपालीहरुबीच भेटघाटसँगै नेपालमा हुन लागेको प्रतिनिधि सभा र प्रदेश सभाको निर्वाचनमा प्रवासीलाई मत हाल्न घर फर्काउने तथा आर्थिक संकलन गर्ने उद्देश्यका साथ मूल प्रवाहले देउसी भैलो खेलेको हो ।
कतिपय शहरमा देउसी भैलोको समापन गरिएको छ भने कतिपय स्थानमा समापन गर्ने तयारी भइरहेको मूल प्रवाहले जनाएको छ ।
कोट्टयाम
मूल प्रवाह अखिल भारत नेपाली एकता समाज कोट्टयाम नगर समितिले २०७९ सालको जनवादी प्रगतिसिल भैलो कार्यक्रम सम्पन्न भएको छ ।
मनोज जिसीको सञ्चालन र प्रेम प्रसाद शर्माको अध्यक्षता पछि मूल प्रवाह अखिल भारत नेपाली एकता समाज केन्द्रीय समितिका सदस्य चोबनाथ शर्माले मैनबत्ति बालेर कार्यक्रमको उद्घाटन गर्दै देउसी भैलोको महत्वका बारेमा प्रस्टाउनु भएको थियो । मन्तव्यको बिच बिचमा रक्तिम कलाकारहरुले जनवादी प्रगतिशिल गीत र नृत्य प्रस्तुत गर्दै कार्यक्रमलाई रोचक पारेको थियो ।
कार्यक्रममा दक्षिण भारत क्षेत्रीय सहसचिव तथा नगर अध्यक्ष धर्माराज शर्मा, क्षेत्रीय सदस्य भद्र बहादुर थापा, क्षेत्रीय महिला बिभागका बालीका देबि शर्मा, नगर समितिका हरि प्रसाद पौडेल अखिल भारत नेपाली विद्यार्थी संघ दक्षिण भारत क्षेत्रीय अध्यक्ष तथा नगर सचिव उषा शर्माले अतिथि आसन ग्रहण गर्नुभएको थियो ।
ज्ञात अज्ञात सहिदहरु प्रति एक मिनट मौन धारण पश्चात उपस्थित जनसमुदायहरुलाई रक्तिमका कलाकारहरुले गीतबाट र खुमा देवी शर्माले शब्दबाट स्वागत गर्नु भएको थियो । कृष्ण प्रसाद शर्माले कार्यक्रम भब्य सफलताको शुःभकामना मन्तब्य राख्नु भएको थियो ।
बेंगलोर
मूल प्रवाह अखिल भारत नेपाली एकता समाज बेंगलोर उत्तर र दक्षिण संयुक्त नगर समितिको देउसी भैलो कार्यक्रम उत्तर नगर समितिका अध्यक्ष धर्म पहरीको अध्यक्षता तथा दक्षिण नगर समितिका अध्यक्ष नरेश कुमार विकेको सञ्चालनमा सम्पन्न भएको छ ।
कार्यक्रममा प्रमुख अतिथि मूल प्रवाह केन्द्रीय सदस्य तथा दक्षिण भारत क्षेत्रीय समितिका सचिव जनकराज पौडेल, अन्य अतिथिहरुमा मूल प्रवाह केन्द्रीय सदस्य बालकृष्ण गायक, मूल प्रवाह दक्षिण भारत क्षेत्रीय समितिका उपाध्यक्ष अध्यक्ष दशरथ विक, सदस्य मान बहादुर बिके, सदस्य पार्वती बिके, सल्लाहकार सदस्य ओम बहादुर दाहाल, सल्लाहकार सदस्य परमानन्द खडायत, अखिल अखिल भारत नेपाली विद्यार्थी संघ दक्षिण भारत क्षेत्रीय उपाध्यक्ष सन्तोष कुमार पहरी, अखिल भारत नेपाली एकता मन्चका केन्द्रीय सचिवालय सदस्य जयलाल बिके, सुदूरपश्चिम जनउत्थान बेंगलोरका सचिव वीरेन्द्र महरा, नेपाली जनसम्पर्क समिति दक्षिण भारत क्षेत्रीय महा सचिव माधव राज खडायत, वरिष्ट महिला सदस्य कलावती बिके लगायतको आतिथ्यता रहेको थियो ।
ज्ञात अज्ञात शहितहरुको सम्मानमा एक मिनट मौनधारण पछि हालमा उपस्थित जनमानसलाई शब्दद्वारा स्वागत दक्षिण नगर समितिका सहसचिव दान बहादुर पहरी र कलाकारहरुले गीतद्वारा स्वागत गर्नु भएको थियो ।
प्रमुख अतिथि मूल प्रवाह केन्द्रीय सदस्य तथा दक्षिण भारत क्षेत्रीय सचिव जनकराज पौडेलले दीप प्रज्वलन गरी उद्घाटन गर्नुभएको थियो र तिहार देउसी भैलोको बारेमा र मूल प्रवाह बारेमा स्पष्ट गर्नुभएको थियो ।
अन्य अतिथिहरुले पनि आ–आफ्नो तर्फबाट शुभकामाना मन्तब्य ब्यक्त गर्नु भएको थियो ।
