लोकेन्द्र पौडेल, चेन्नई (भारत) ।
मूल प्रवाह अखिल भारत नेपाली एकता समाजको आयोजनामा प्रगतिशील भैलो उद्घाटन भएको छ ।
दक्षिण भारत क्षेत्रीय समितिअन्तर्गत चेन्नई पूर्व, चेन्नई पश्चिम, चेन्नई उत्तर र चेन्नई दक्षिण नगर समितिको संयुक्त आयोजनामा अक्टोबर २३, २०२२ आइतबारका दिन अम्बातुरस्थित तेगाराजा हलमा सो कार्यक्रम सम्पन्न भएको हो ।
भैलोको उद्घाटन मूल प्रवाहका महासचिव कुलबहादुर थापा ले उदघाटन गर्नुभएको थियो । सो अवसरमा सम्बोधन गर्दै महासचिव थापाले सांस्कृतिक रूपान्तरणको रूपमा मूल प्रवाह अखिल भारत नेपाली एकता समाजले प्रगतिशील भैलो कार्यक्रम सम्पन्न गरेको बताउनुभयो ।
कार्यक्रममा केन्द्रीय सदस्य केशमान नेपाली, केन्द्रीय प्रतिनिधि चन्द्रकान्त शर्मा, क्षेत्रीय समितिका कोषाध्यक्ष लोकेन्द्र पौडेल, क्षेत्रीय सदस्य काशीराम शर्मा, एकता समाजका नेताहरू लक्षुमन चालिसे, बुद्विराम पौडेल, जीवन शर्मा, गोपाल विक, देविराम केसी, नेत्रलाल शर्मा, सूर्यप्रसाद भुसाल, समता विभागबाट दयाराम विक, जनजाति विभागबाट टीका थापा, रेशम थापा र महिला विभागका रिता भुसाल र नेपाली जनसम्पर्क समितिका गङ्गाराम आचार्यले अतिथिको आसन ग्रहण गर्नुभएको थियो ।
चेन्नै पश्चिम नगर समितिका उपाध्यक्ष शशि थापाको अध्यक्षतामा अघि बढेको सो कार्यक्रमको सञ्चालन चेन्नै उत्तर नगर समितिका उपाध्यक्ष तेजेन्द्र पुनले गर्नुभएको थियो ।
