रामप्रसाद पौडेल, हैदरावाद (भारत) ।
मूल प्रवाह अखिल भारत नेपाली एकता समाजको हैदरावाद उत्तर नगर समितिअन्तर्गत जुब्ली हिल्स एरिया समितिले नेपाल फर्कनका लागि एउटा परिवारलाई आर्थिक सहयोग गरेको छ ।

तनहुँ जिल्ला ब्यास नगरपालिका वडा नं. १ भादगाउँ निवासी बुद्धिमान कामिकी पत्नी शर्मिला कामी र छोरालाई एकता समाजले भारु २० हजार तीन सय सहयोग गरेको हो ।

एकता समाजका क्षेत्रीय सदस्य खिमबहादुर परियार तथा क्षेत्रीय सल्लाहकार मिनबहादुर लामिछानेको उपस्थितिमा आयोजित अनौपचारिक समारोहमाझ सो रकम हस्तान्तरण गरिएको थियो ।

विविध कारणवश निज बुद्धिमान कामीका परिवार नेपाल जानुपर्ने भएपछि मूल प्रवाह एकता समाजले आर्थिक सहयोग गरेको थियो । आर्थिक सहयोग प्राप्त गरेसँगै सो परिवार नेपाल फर्किसकेको एकता समाजले जनाएको छ ।