जकार्ता । इन्डोनेसियामा फुटबल खेलको क्रममा अक्टोबर २, २०२२ आइतबार भएको दङ्गा भागदौडमा परिणत हुँदा मृत्यु हुनेको सङ्ख्या एक ७४ पुगेको छ ।
एक अधिकारीले स्थानीय सञ्चार माध्यमलाई जनाएअनुसार फुटबलमा हार सहन नसकेको पक्षका कारण सो दङ्गा भएको हो ।
स्थानीय समयानुसार आइतबार बिहान ९:३० बजे मृत्युको सङ्ख्या एक सय ५८ पुगेको थियो भने १०:३० यो सङ्ख्या एक सय ७४ पुगेको पूर्वी जाभा प्रकोप न्यूनीकरण एजेन्सीले सङ्कलन गरेको तथ्याङ्क भएको पूर्वी जाभाका डेपुटी गभर्नर एमिल डार्डकले प्रसारक कोम्पासलाई टिभी च्यानललाई जानकारी दिनुभएको छ ।
इन्डोनेसियाली प्रहरीलाई उद्धृत गर्दै विभिन्न अन्तर्राष्ट्रिय समाचार संस्थाहरूले बताएअनुसार खेलका क्रममा एक खेलका पक्षधरले आफ्नो पक्षको हार सहन नसक्दा यस्तो घटना भएको थियो ।
इन्डोनेसियाको पूर्वी जाभा प्रान्तका प्रहरी प्रमुख निको अखिन्ताले दिएको समाचारमा खेलमा हार खाएको एक पक्षका समर्थकहरूले हार सहन नसकेर हिंसा मच्चाएका थिए । त्यसपछि त्यहाँ जम्मा भएको भिडमा भागदौड पनि मच्चिएको थियो । भागदौडमा परेर करिब दुई सय जना घाइते पनि भएको जनाइएको छ ।
हार्ने पक्षका समर्थकले पिचमा आक्रमण गरेका थिए । त्यसलगत्तै प्रहरीले पनि भिड नियन्त्रण गर्नका लागि अश्रुग्याँस प्रहार गरेको थियो । प्रहरीले अश्रुग्याँस हानेपछि सो खेल हेर्न त्यहाँ जम्मा भएका भिडका बिचमा भागदौड भएको थियो । धेरैजसो मानिस भागदौडमा परेर ज्यान गुमाएका थिए । (रासस/एएफपी)
