टुकबहादुर रामदाम, मस्कट ।
ओमन नेपाली एकता समाज केन्द्रीय समितिको आयोजनामा बडादसैँको शुभकामना आदानप्रदान तथा कार्यकर्ता प्रशिक्षण सम्पन्न भएको छ ।

समाजका महासचिव शालिकराम आचार्यको विशेष उपस्थितिमा सेप्टेम्बर ३०, २०२२ शुक्रबारका दिन सो कार्यक्रम सम्पन्न भएको हो ।

कार्यक्रममा महासचिव शालिकराम आचार्यले साङ्गठनिक पद्धति, गोपनीयता र अनुशासनबारे प्रशिक्षण दिनुभएको थियो ।

गोलाचिठ्ठा, डोरितनाइ र हाँडीफोर जस्ता खेल खेलाइएको सो कार्यक्रममा बडादसैँ विशेष गीतसङ्गीतसहित खुला साङ्गीतिक प्रस्तुति दिइएको थियो ।

केन्द्रीय सदस्य यामप्रसाद पौडेलको अध्यक्षता तथा आकाश नेपाली र टुकबहादुर रामदामको सञ्चालनमा अघि बढेको उक्त कार्यक्रममा उपस्थित कार्यकर्तामाझ परिचय र शुभकामना आदानप्रदान गरिएको थियो ।