धनगढी । अखिल (छैठौं) कैलालीको १५ औँ जिल्ला सम्मेलन सम्पन्न भएको छ । सम्मेलनले अजय विकको अध्यक्षतामा १३ सदस्यीय जिल्ला समिति चयन गरेको छ ।
उपाध्यक्षमा सम्पदा जोशी, सचिव विवेक जोशी, सहसचिव ज्योति रावत र कोषाध्यक्ष दिनेस खड्का चयन हुनुभएको छ । सदस्यहरुमा किर्सन रोस्यारा, नवराज जोशी, सोभा ताम्राकार, राजकुमारी राना र राम विष्ट रहनुभएको छ । सदस्यको तीन स्थान रिक्त राखिएको छ ।
सम्मेलनको उद्घाटन अखिल (छैठौं) का केन्द्रीय सचिवालय सदस्य तथा सुदूरपश्चिम इन्चार्ज हेमराज भट्टले गर्नुभएको थियो ।
कार्यक्रममा राष्ट्रिय जनमोर्चाका केन्द्रीय सदस्य एवम् सुदूरपश्चिम प्रदेश अध्यक्ष नन्दराज भट्ट र प्रदेश सदस्य घनश्याम रोस्याराले शुभकामना दिनुभएको थियो ।
सम्मेलनपछि निर्वाचित जिल्ला समितिको बैठकले आगामी तिहारमा देउसी भैलो खेल्ने निर्णय गरेको छ । साथै, बुटवलमा हुन लागेको राष्ट्रिय परिषद बैठकमा सहभागिताबारे पनि महत्वपूर्ण निर्णय गरेको केन्द्रीय सचिवालय सदस्य भट्टले जानकारी दिनुभयो ।
अखिल (छैठौं) को राष्ट्रिय परिषद बैठक यही असोज १४ र १५ गते बुटवलमा हुँदैछ ।
