रामप्रसाद पराजुली, दोहा ।
कतारले फिफा विश्वकप अबधीभर भिजिट भिसा अस्थायी रूपमा बन्द गर्ने भएको छ । कतारको गृह मन्त्रालयले पत्रकार सम्मेलन गरी २० नोभेम्बर २०२२ मा सुरु हुने फिफा विश्वकप कतार २०२२ को समयाबधिमा कतारमा प्रवेश र प्रस्थान गर्नको लागि जनाकारी दिएको छ ।
मन्त्रालयले हवाइ, स्थल र सामुद्रिक सिमानाबाट कतार आउने सबै आगन्तुकहरूलाई १ नोभेम्बर २०२२ देखि २३ डिसेम्बर २२ सम्म भिजिट भिसा पूर्ण रुपमा स्थगित गरि हया कार्ड बाहक मात्र प्रवेश गर्न पाउने नियम ल्याएको छ ।
त्यसैगरी मन्त्रालयले हया कार्डवाहकहरूलाई जनवरी २३, २०२३ सम्म कतारमा बस्ने अनुमति दिईने समेत बताएको छ।
यहि आउँदो नोभेम्बर १ तारिखदेखि लागू हुने गरि २३ डिसेम्बर २०२२ को बीचमा कतारमा प्रवेश गर्नको लागि पालना गर्नुपर्ने केही नियमहरु समेत सार्वजनिक गरेको छ ।
जसनुसार, १) कतारी नागरिक, बासिन्दा र कतारी आईडी कार्ड भएको जिसिसि नागरिकहरू, २) व्यक्तिगत भर्ती भिसा र कार्य प्रवेश अनुमतिहरू र, ३) एयरपोर्ट मार्फत मानवीय मामिलाहरू (आधिकारिक आवेदन प्लेटफर्मबाट स्वीकृतिमा आधारित मात्र सहजै कतार प्रवेश गर्न पाउनेछन।
मन्त्रालयले कतारमा पुनः २३ डिसेम्बर २०२२ देखि भ्रमण भिसाहरू सुचारु गर्ने समेत पत्रकार सम्मेलनमा जनाएको छ।
