जीवन नेपाली, अर्घाखाँची ।
अखिल (छैठौं) अर्घाखाँचीले सन्धिखर्कस्थित पाणिनि बहुमुखी क्याम्पसमा विद्यार्थीको प्रशिक्षण सञ्चालन गरेको छ ।
अखिल (छैठौं) केन्द्रीय समितिले तय गरेको ‘विद्यार्थी जागरण अभियान २०७९’ को अन्तर्गत पाणिनि बहुमुखी क्याम्पस बीएड प्रथम वर्षमा प्रशिक्षात्मक भेला गरी कार्यक्रम सुरु गरिएको अखिल (छैठौं) अर्घाखाँचीले जनाएको छ ।
अखिल (छैठौं) का केन्द्रीय सदस्य तथा अर्घाखाँची जिल्ला अध्यक्ष जीवन नेपाली र राष्ट्रिय परिषद् सदस्य तथा जिल्ला उपाध्यक्ष प्रकाश चुदालीको विशेष उपस्थितिमा प्रशिक्षात्मक भेला सम्पन्न भएको हो ।
भेलालाई सम्बोधन गर्दै नेताहरुले शैक्षिक क्षेत्रमा देखिएका विकृति हटाउन र निःशुल्क शिक्षा प्राप्त गर्न विद्यार्थीले राजनीति गर्नुपर्ने बताएका थिए
भेलाले कुसुम भण्डारीको अध्यक्षतामा १५ सदस्यीय अखिल (छैठौं) पाणिनि बहुमुखी क्याम्पस बीएड प्रथम वर्षको समिति गठन गरेको छ।
समितिको उपाध्यक्षमा सपना भुसाल, सचिव अस्मिता सुनार, सहसचिव सम्झना पुलामी मगर, कोषाध्यक्ष करिश्मा खनाल तथा सदस्यहरुमा क्रमशः गीता नेपाली, शान्ता पुरी, सिता सुनार, सारदा खनाल, सपना थापा, सम्झना सुनार, अमृता रेश्मी, पुजा सुनार, सृजना पान्डे, मनिशा खनाल चयन हुनु भएको छ ।
कार्यक्रम सम्झना पुलामी मगरको अध्यक्षता र प्रकाश चुदालीको सञ्चालनमा सम्पन्न भएको थियो ।
