खिमराज चालीसे, चंडिगढ
मूल प्रवाह अखिल भारत नेपाली एकता समाज सुदूरपश्चिमोत्तर क्षेत्रीय समितिद्वारा सञ्चालित मन्डि गोबिन्दगढ नगर समितिका सचिव लाल बहादुर विकलाई मूल प्रवाहले प्रवासबाट विदाइ गरेको छ।
सन् १९९४ मा तत्कालिन एकता समाजको सदस्यता लिएर विभिन्न जिम्मेवारी निभाउँदै आउनु भएका लाल बहादुर विकलाई नगर समितिका कोषाध्यक्ष तारा बहादुर जिसिले दोसल्ला ओढायर सम्मानसहित विदाई गर्नुभयो । त्यस अवसरमा जिसीले उहाँको योगदानबारे प्रकाश पार्नु भएको थियो ।
कार्यक्रममा मूल प्रवाहका हुकुम केसी, रतन विक, विष्णु सेन, खिम सुनार, गोपाल विक, सुरेश परियार, महिला विभागका वसन्ता विक, माया विक, साबित्रा परियार, बिमला शर्मा, मिना सुनार, कल्पना विक, पूर्णिामा विक, बिष्णु विक, लगाएत नेता कार्यकर्ताले अबिर फूलमाला लगाइ सम्मान गर्नुको साथै शुभकामना दिनु भएको थियो।
गुल्मी जिल्लाको मदाने गाउँपालिका वार्ड न ७ भन भने टिमुरखर्क स्थित विकट दलित बस्तीमा जन्मनु भएका लाल बहादुरले विदाइ समारोहमा बोल्दै मूल प्रवाहको विश्व विद्यालयमा सिकेको शिक्षालाई नेपालमा चल्ने जनतान्त्रिक आन्दोलनमा खर्चिने र आमुल परिवर्तनको लडाइँमा आफू निरन्तर होमिने बताउनु भएको थियो ।
कार्यक्रम बिमला शर्माको अध्यक्षता तथा राम बहादुरको सन्चालनमा सम्पन्न भएको थियो ।
