काठमाडौं । झापाकी एक युवती मोडल बन्ने चाहनामा दलालको फन्दामा परेकी छन् । मानव बेचविखन गर्ने गिरोहले ति युवतीलाई बली चढाउन सीमा पार गराउने योजना बनाएको थियो तर, प्रहरीको सझबुभले उनको सकुशल उद्धार भएको छ ।
काठमाडौंमा मोडलिङ गरेर राम्रो रकम पाउने आशा देखाएर युवतीलाई सीमा पार गराउने गिरोहका ७ जना पक्राउ परेपछि उनीहरुको योजना खुलेको हो ।
सो गिरोहले काठमाडौमा मोडलिङ गर्ने भन्दै युवतीलाई ललाई फकाई विराटनगर पुर्याएका थिए । उनीहरुले तान्त्रिक पूजाका लागि बली चढाउन युवतीलाई भारत बेच्न लगेको प्रहरीले जनाएको छ । त्यहाँ उनीहरुले युवतीको बली दिन सक्ने आशंका रहेको काठमाडौं प्रहरी परिसरका डीएसपी होविन्द्र बोगटीले बताए ।
काठमाडौं सितापाईला वस्ने प्रेममाया तामाङले काठमाडौमा मोडलिङ गर्न अनिवार्य ६ फिट उचाई भएको हुनु पर्ने र मोडलिङबाट राम्रो रकम पाउने भन्दै प्रस्ताव गरेपछि पीडित युवतिले स्वीकार गरेकी थिइन्। प्रेममायाले युवतीको ६ फिट हाईट नापि सोको भिडियो विराटनगरमा उमेश शाहलाई पठाएको र उतावाट स्विकृती भए पछि विराटनगर लाने योजना वनाएको बताइएको छ।
पुनः युवतीलाई महिनावारी भए नभएको, घाउ चोटपटक, अप्रेशन गरे नगरेको सोधपुछ गरे पश्चात पीडित युवतीका आफन्तले शंका गरी महानगरीय प्रहरी परिसर काठमाडौमा जानकारी गराएको र तत्काल प्रहरी टोली परिचालन गरि युवतीको पिछा गर्दै गिरोहलाई समात्न सफल भएको प्रहरीले जनाएको छ ।
पक्राउ पर्नेमा नवलपरासीको कावासोती हुप्सेकोट–१ वस्ने वर्ष २६ को कृष्ण तामाङ, सप्तरीको राजविराज नगरपालिका–१४ वस्ने वर्ष ४० को उमेश शाह, दाङ घोराई नगरपालिका– १० वस्ने वर्ष २४ कि दिल कुमारी वुढामगर, सप्तरीको सप्तकोशि नगरपालिका–११ वस्ने वर्ष ३५ को उमेश माझी छन् ।
यस्तै, प्रहरीले विराटनगर महानगरपालिका–८ वस्ने वर्ष ५१ को दिलिप पोदार, धादिङको साविक झार्लाङ्ग गाविस–३ ९परिवर्तित खनियावास गाउँपालिका–२० घर भइ हाल काठमाडौंको सितापाईला बस्ने वर्ष २३को प्रेमा तामाङ र सुनसरी गढी गाउँपालिका–१ मधेली बस्ने वर्ष ३७ को रंजित कुमार चौधरीलाई पनि प्रहरीले नियन्त्रणमा लिएको छ ।
उनीहरुलाई अदालतबाट सात दिनको म्याद थप गरी अनुसन्धान सुरु गरिएको डीएसपी बोगटीले जानकारी दिए ।
