दैलेख । दैलेख जिल्लाका विभिन्न टोल तथा विद्यालयमा अखिल (छैठौं) को संगठन विस्तार भएको छ ।
अखिल (छैठौं)ले बस्तडा भगवतीमाई ज्वाला माविमा भेला गरी संगठन विस्तार गरेको छ । संगठनका केन्द्रीय उपाध्यक्ष गणेश अधिकारीको उपस्थितिमा विद्यालयको कक्षा १० र ११ का विद्यार्थीहरुको भेलाले दुवै कक्षामा समिति गठन गरेको हो ।
कक्षा १० मा गठित कक्षा इकाई समितिको अध्यक्षमा यम बहादुर विक चयन हुनुभएको छ । यस्तै, उपाध्यक्ष निराजन बुढा,सचिवमा जीवन बुढा, सह सचिवमा महेश बुढा र कोषाध्यक्षमा लोकेन्द्र खड्कासहित २२ सदस्यीय समिति चयन गरिएको छ ।
यस्तै, ११ कक्षा इकाइ समितिको अध्यक्षमा सुवास थापा चयन हुनुभएको छ भने उपाध्यक्षमा पवन नेपाली, सचिव बबिन चन्द ठकुरी, कोषाध्यक्ष क्षेत्र बहादुर थापा, सह सचिवमा सरिता कुमारी शाही रहेको ३७ सदस्यीय समिति चयन गरेको हो ।
त्यसैगरि अखिल (छैठौं) ले विभिन्न वडामा पनि सम्पर्क समिति र सम्पर्क समितिको संयोजक तोकेको छ । जसमा दुल्लु नगरपालिका १ मा रमा खड्का संयोजक रहनुभएको छ । दुल्लु नगरपालिका–६ मा संयोजक प्रकाश खड्का रहनुभएको छ भने सदस्यहरुमा लक्षमण खड्का, निर्मला खड्का रहनुभएको छ ।
यसैगरी भैरवी गाउँपालिका–२ मा संयोजक दिपक थापा, सदस्यहरुमा देवी थापा, धन बहादुर थापा, अभिशेक थापा रहनुभएको छ ।
त्यस्तै, महाबु गाउँपालिका–२ मा संयोजक रितु थापा चयन हुनुभएको छ भने पन्चदेवल माविको संयोजकमा धन बहादुर थापा चयन हुनुभएको छ ।
