रामप्रसाद पौडेल, हैदरावाद ।
मूल प्रवाह अखिल भारत नेपाली एकता समाजको हैदरनगरमा टोल समिति गठन भएको छ । मूल प्रवाह मध्य दक्षिण क्षेत्रीय समितिद्वारा सञ्चालित उत्तर हैदराबाद नगर समिति अन्तरगत टोल समिति गठन भएको हो ।

रेस्टुरेन्टमा कार्यरत मजदुरहरुबिचमा भएको भेलाले चन्द्रकान्त भट्टराईको पहलमा समिति गठन भएको छ । भेलामा केन्द्रीय सदस्य तथा मध्य दक्षिण क्षेत्रीय अध्यक्ष रामप्रसाद पौडेलले भारतमा नेपालीहरुको अवस्था र मूल प्रवाहले खेलेको भूमिका लगायत समसामयिक बिषयमा प्रशिक्षण दिनुका साथै सदस्यता वितरण गर्नुभएको थियो ।

नवगठित समितिको अध्यक्षमा चन्द्रकान्त भट्टराई, सचिव मदन गुरागाई, कोषाध्यक्षमा विक्रम राई र सदस्यहरूमा ओमनारायण प्रधान, आषिश राई, मदन राई र दिनेश अधिकारी रहनुभएको छ।